Foto: pixabay.com
Tsifrlyq damý, innovatsiialar jáne aeroǵarysh ónerkásibi ministrligi Telekommýnikatsiialar komiteti Bailanys salasyndaǵy baqylaý basqarmasynyń basshysy Dias Tólegenov Starlink internet tehnologiiasyna jeke adamdardyń qosylýy múmkindigine qatysty túsinik berdi, dep habarlaidy Kazinform.
Búgin elordada ótken baspasóz máslihatynda tilshiler SpaceX kompaniiasynyń Starlink internet tehnologiiasyna jeke adamdardyń qosylýyn zańnamalyq retteý múmkindigi týraly surady.
«Qazir ǵalamtorda Starlink-ke arnalǵan qurylǵylar satylyp jatyr. Bul qurylǵylardy iske qosý zańdy ma?», - dep surady jýrnalister.
«Rasynda da mundai jarnamalar kezdesip jatyr. Sondyqtan tiisti organdar osyǵan qatysty túsindirip jatyr. Qazir ony dál osy nusqada paidalaný qoldanystaǵy zańnama talaptaryn buzady, sebebi qaýipsizdiktiń keibir erejesine sai kelmeidi. Bul turǵyda, pilottyq joba (elimizdegi mektepterdi Starlink-ke qosý) aiasyndaǵy tehnikalyq jumystar aiaqtalyp, zańǵa tiisti ózgerister engizilgenge deiin atalǵan qurylǵylardy jeke adamdardyń paidalanýy zańsyz bolyp esepteledi», - dedi Tólegenov.
Onyń aitýynsha, zańnamaǵa túzetýler engizilgennen keiin qazaqstandyqtar bul jabdyqtardy paidalana alady. Qazir osy qurylǵylardy zańsyz qosqandar bastapqyda eskertý alady. Eger bul derek qaitalansa, onda 10 AEK somasynda aiyppul salynady.
Budan buryn habarlanǵandai, biylǵy qazan aiynda 10 aýyldyq mektep SpaceX kompaniiasynyń Starlink tehnologiiasy arqyly testilik rejimde keń jolaqty internetke qosyldy.
