فوتو: pixabay.com
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ تەلەكوممۋنيكاتسييالار كوميتەتٸ بايلانىس سالاسىنداعى باقىلاۋ باسقارماسىنىڭ باسشىسى دياس تٶلەگەنوۆ Starlink ينتەرنەت تەحنولوگيياسىنا جەكە ادامداردىڭ قوسىلۋى مٷمكٸندٸگٸنە قاتىستى تٷسٸنٸك بەردٸ, دەپ حابارلايدى Kazinform.
بٷگٸن ەلوردادا ٶتكەن باسپاسٶز مەسليحاتىندا تٸلشٸلەر SpaceX كومپانيياسىنىڭ Starlink ينتەرنەت تەحنولوگيياسىنا جەكە ادامداردىڭ قوسىلۋىن زاڭنامالىق رەتتەۋ مٷمكٸندٸگٸ تۋرالى سۇرادى.
«قازٸر عالامتوردا Starlink-كە ارنالعان قۇرىلعىلار ساتىلىپ جاتىر. بۇل قۇرىلعىلاردى ٸسكە قوسۋ زاڭدى ما?», - دەپ سۇرادى جۋرناليستەر.
«راسىندا دا مۇنداي جارنامالار كەزدەسٸپ جاتىر. سوندىقتان تيٸستٸ ورگاندار وسىعان قاتىستى تٷسٸندٸرٸپ جاتىر. قازٸر ونى دەل وسى نۇسقادا پايدالانۋ قولدانىستاعى زاڭناما تالاپتارىن بۇزادى, سەبەبٸ قاۋٸپسٸزدٸكتٸڭ كەيبٸر ەرەجەسٸنە ساي كەلمەيدٸ. بۇل تۇرعىدا, پيلوتتىق جوبا (ەلٸمٸزدەگٸ مەكتەپتەردٸ Starlink-كە قوسۋ) اياسىنداعى تەحنيكالىق جۇمىستار اياقتالىپ, زاڭعا تيٸستٸ ٶزگەرٸستەر ەنگٸزٸلگەنگە دەيٸن اتالعان قۇرىلعىلاردى جەكە ادامداردىڭ پايدالانۋى زاڭسىز بولىپ ەسەپتەلەدٸ», - دەدٸ تٶلەگەنوۆ.
ونىڭ ايتۋىنشا, زاڭناماعا تٷزەتۋلەر ەنگٸزٸلگەننەن كەيٸن قازاقستاندىقتار بۇل جابدىقتاردى پايدالانا الادى. قازٸر وسى قۇرىلعىلاردى زاڭسىز قوسقاندار باستاپقىدا ەسكەرتۋ الادى. ەگەر بۇل دەرەك قايتالانسا, وندا 10 اەك سوماسىندا ايىپپۇل سالىنادى.
بۇدان بۇرىن حابارلانعانداي, بيىلعى قازان ايىندا 10 اۋىلدىق مەكتەپ SpaceX كومپانيياسىنىڭ Starlink تەحنولوگيياسى ارقىلى تەستٸلٸك رەجيمدە كەڭ جولاقتى ينتەرنەتكە قوسىلدى.
