Sultanahmet meshitiniń alańyna jaqyn mańda ornalasqan Arasta bazarynyń taǵy bir ataýy – Atty áskerler bazary. Osman imperiiasy kezinde atty áskerlerge qajetti zattardy satqan bazar búginde jershilikti jáne sheteldik týrister jaqsy kóretin tarihi mekenge ainalǵan. Shaǵyn bazardyń ishinde túrli kádesyilar, kilem, Iznik qalasynda óndirilgen keramikalyq zattar, oramal, tósekoryn jabdyqtary, kiim-keshek, basqa da tekstil ónimderi, túriktiń ulttyq táttileri men dámdeýishteri satylatyn 70-ten astam dúken jumys istep tur.
Osydan 100 jyldai ýaqyt buryn (1912 jyly) shyqqan alapat órtten bazar aitarlyqtai zardap shegip, kóp bóligi kúlge ainalady. Alaida jergilikti bilik qalpyna keltirý jumystary arqyly bazardy paidalanýǵa berdi. 1930 jyldary uiymdastyrylǵan qazba jumystarynyń nátijesinde, bazardyń vizantiialyqtar dáýirinen qalǵan ǵtmarttardyń ústine salynǵany anyqtaldy.
Eger Stambulǵa barsańyz, mindetti túrde Arasta bazaryn tizimińizge qosyp qoiyńyz. Tarihi mańyzy bar mekenniń erekshe aýrasyn sezinip, dos-týystaryńyzǵa estelikke kádesyi satyp alyp, Túrkiiadaǵy saparyńyzdy umytylmastai etedi.
Náziia Joiamergenqyzy
