«Spýtnik V» vaktsinasyn saldyrýǵa qarsy kórsetilimder – Bas sanitar dárigerdiń qaýlysy

QR Densaýlyq saqtaý vitse-ministri – Bas memlekettik sanitar dárigeri Erlan Qiiasov koronavirýstan vaktsinalaý tártibin retteitin qaýlyǵa qol qoidy. Qujatta sondai-aq Gam-KOVID-Vak («Spýtnik V») reseilik vaktsinasyn saldyrýǵa bolmaityn qarsy kórsetilimder de jazylǵan, dep habarlaidy «Ult aqparat».

Eske salsaq, Gam-KOVID-Vak («Spýtnik V») reseilik vaktsinasymen egý elimizde 1 aqpanda bastalady.

Vaktsinany saldyrýǵa qarsy kórsetilimder:

1. vaktsinanyń qandai da bir komponentterine nemese uqsas komponentteri bar vaktsinaǵa gipersezimtaldyq,

2. anamnezdegi aýyr allergiialyq reaktsiialar;

3. júktilik nemese balany emizý;

4. 18 jasqa deiingi jáne 65-ten joǵary jastaǵylar (tiimdiligi jáne qaýipsizdigi jóninde málimetterdiń joqtyǵyna bailanysty);

II komponentti salýǵa qarsy kórsetilimder: I vaktsinanyń komponentterine postvaktsinalyq kezeńdegi aýyr asqynýlar (anafilaktikalyq shok, jaiylǵan aýyr allergiialyq reaktsiia, deneniń tyrysý sindromy, 40°S astam temperatýra jáne t.b.)

Preparatty kelesi jaǵdailarda asa saqtyqpen qoldanǵan jón:

1. baýyr jáne búirektiń sozylmaly aýrýlary;

2. endokrindik júie qyzmetiniń aiqyn buzylýy (qant diabeti);

3. qantúzilim júiesiniń aýyr syrqattary;

4. epilepsiia, insýlt jáne ortalyq-júike júiesiniń ózge de syrqattary;

5. júrek-qantamyr júiesiniń aýrýlary (anamnezdegi miokard infarktisi, miokardit, endokardit, perikardit, júrektiń ishemiialyq syrqaty);

6. bastapqy jáne qaitalama immýnojetispeýshilik;

7. aýtoimmýndyq syrqattar;

8. ókpe, astma jáne ókpeniń sozylmaly obstrýktivti syrqaty;

9. diabet, metabolittik sindrom, allergiialyq reaktsiialar, atopiia, ekzemasy bar naýqastar;

10. qaterli óskinder, qannyń qaterli aýrýyn qosa alǵanda.

Vaktsinalaý eki kezeńmen ótedi: áýeli 0,5 ml dozasyndaǵy komponent I, al úsh aptadan keiin (vaktsinalaý júrgizilgen kúndi eseptemegende 21 kún) 0,5 ml dozasyndaǵy komponent II salynady. Vaktsinalaýdy 21-shi kúni komponent II-men ótkizý múmkin bolmaǵan jaǵdaida (demalys kúni, mereke, basqa eldi mekenge shyǵyp ketý, t.b.), ekpeni kelesi 7 kúnniń ishinde júrgizýge bolady.

I jáne II komponentterdi engizý arasyndaǵy jiiliktiń dálelsiz uzartylýyna jol bermeý keńes etiledi. Sebebi bul immýndyq jaýaptyń qalyptasýyna septigin tigizip, vaktsina tiimdiliginiń tómendeýine ákelip soqtyrýy múmkin;

Vaktsina tek bulshyqet ishine engizýge arnalǵan. Preparatty tamyrǵa egýge qatań túrde tyiym salynady.

Vaktsinany delta tárizdi bulshyqetke (iyqtyń syrtqy joǵary jaǵynyń úshten bir bóligi) egiledi. Delta tárizdi bulshyqetke egý múmkin bolmaǵan jaǵdaida preparatty sannyń búiirindegi bulshyqetke engizedi.