Júkti jáne bala emizetin áielderge endi koronavirýsqa qarsy "Spýtnik Lait" vaktsinasyn salýǵa bolady. Bul týraly Qaraǵandy farmatsevtikalyq kesheni habarlady, dep jazady Sputnik Qazaqstan.
"Spýtnik Lait" vaktsinasyn salǵyzýǵa bolmaityndar qatarynan júkti jáne bala emizetin áielderdi alyp tastady. Endi júktiliktiń 22-shi aptasynan bastap atalǵan preparatty salǵyzýǵa bolady. Osy kezeńde vaktsinanyń bolashaq anaǵa tigizetin paidasy jatyrdaǵy balaǵa tónetin áleýetti qaýipten joǵary bolady", - dep jazylǵan habarlamada.
Qarsy kórsetilimderdi alyp tastaýdan buryn ǵalymdar janýarlarǵa zertteý júrgizgeni aityldy. Onyń nátijesi boiynsha reprodýktivti ýyttylyǵy men teratogendiligi joq ekeni anyqtalǵan.
Bala emizetin balalarǵa da osy vaktsinany egýge ruqsat berildi. Alaida vaktsina quramyndaǵy áser etýshi zattar ana sútine enetin-enbeitini ázirshe belgisiz. Sondyqtan preparatty qabyldar aldynda bala emizetin áiel osy vaktsinanyń paidasy men ziianyn baǵalaýy kerek.
Eske salsaq, buǵan deiin qazaqstandyq júkti jáne bala emizetin áielder tek Pfizer vaktsinasyn ǵana salǵyza alatyn.
