Ulttyq Olimpiada komiteti 2018 jyly Pxenchxanda ótetin XXIII qysqy Olimpiada oiyndarynda sportshylarǵa qandai qoldaý kórsetiletinin aitty, dep habarlaidy Baq.kz tilshisi.
«Biz jeke-jeke qoldaý kórsetpeimiz. Ulttyq Olimpiada komiteti tarapynan sportshylarymyzǵa qosymsha issapar shyǵyndaryna qarjy bóldik. Bul olardyń uialy bailanysty paidalanyp, emin-erkin sóilesýine qajet. Bul demeýshilerdiń esebinen shamamen 30 million teńge», - dedi Úkimet otyrysanan keiin UOK Bas hatshysy Daniiar Ábilǵazin.
UOK ókili Olimpiada aýylyndaǵy jaǵdaimen de tanystyrdy. Onyń aitýynsha, bólmede eki adamnan ornalasady. Ártúrli as beriledi, biraq qazaqstandyq aspazdar barmaidy. Daniiar Ábilǵazinniń málimetinshe, Phenchhan qalasyna qazaqstandyq delegatsiia quramynda 138 adam barady. Olardyń ishinde 46 sportshy, 30 bapker, 10 keshendi-ǵylymi top múshesi bar.
