3 qyrkúiek kúni S&P halyqaralyq reiting agenttigi Qazaqstan Respýblikasynyń táýelsiz kredit reitingin «VVV-» deńgeiinde rastady. Boljamy - «Turaqty». Bul týraly Ulttyq banktiń baspasóz qyzmeti habarlady.
S&P sarapshylarynyń baǵalaýynsha, Qazaqstannyń reitingin qoldaǵan negizgi faktorlar – bul turaqty fiskaldyq jáne syrtqy rezervter. S&P sarapshylary ózgermeli aiyrbas baǵamynyń rejimi ekonomikanyń 2020 jyly munai baǵasynyń kúrt tómendeýine bailanysty paida bolǵan syrtqy qysymǵa beiimdelýge kómekteskenin atap kórsetti.
Birtindep júrgizilip kele jatqan fiskaldyq shoǵyrlandyrý, Ulttyq Qordan biýdjetke transfertter kólemin shekteitin fiskaldyq erejeni engizý jáne munai óndirý kóleminiń ulǵaiýy Qazaqstannyń syrtqy pozitsiiasyn nyǵaitýǵa áserin tigizedi.
S&P pikiri boiynsha, 2021 jyldyń qorytyndysy boiynsha infliatsiia 8,5%-dy quraidy. Bul kórsetkish yntalandyrýshy fiskaldyq saiasattyń áserine, importtalatyn taýarlar baǵalarynyń ósýine, sondai-aq azamattardyń zeinetaqy jinaqtaryn merziminen buryn sheshýine bailanysty.
Agenttik Ulttyq Banktiń ashyqtyǵyn arttyrýy, atap aitqanda, Ulttyq Qordyń valiýtalyq operatsiialaryn jariialaý, Ulttyq Banktiń Qarjy ministrligimen kiristilik qisyǵyn qurý boiynsha birlesken jumysy, qarjylyq retteý fýnktsiiasyn Ulttyq Banktiń ókilettiginen bólý siiaqty sharalar aqsha-nesie saiasatyna senimdilikti arttyratynyn atap ótti.
S&P sarapshylarynyń pikirinshe, Ulttyq banktiń 2025 jylǵa deiin ekonomikany qoldaý baǵdarlamalarynan shyǵý ortalyq banktiń tiimdiligin arttyrýǵa kómektesedi.
S&P boljamyna sáikes, Qazaqstan ekonomikasynyń ósý qarqyny 2021 jyly 3,5% quraityn bolady jáne ony shikizattyq emes sektordyń ósýi, shekteýlerdiń jumsartylýy esebinen ekonomikalyq belsendiliktiń qalpyna kelýi, investitsiialardyń ósýi, negizgi saýda seriktes elderindegi iskerlik belsendiliktiń qalpyna kelýi qamtamasyz etetin bolady.
