E.A.Bóketov atyndaǵy Qaraǵandy Memlekettik Ýniversitetinde H Respýblikalyq jýrnalistika olimpiadasy ótip jatyr. Atalmysh saiysqa 16 joǵarǵy oqý ornynan 48 stýdent qatysýda.
Bilim básekesi 2 kúnge josparlanǵan. Olimpiadaǵa televiziianyń 60 jyldyǵy arqaý boldy. Saiystyń ashylý saltanatynda filologiia fakýltetiniń dekany Ábdýov Muhametqali Iliiasuly sóz alyp, qatysýshylarǵa sáttilik tiledi. Júktelgen tapsyrma boiynsha stýdentter siýjet daiyndap, esse jazdy. Sonymen qatar, jýrnalistikanyń birneshe páninen test tapsyrdy. Olimpiadanyń sońǵy kúni qatysýshylar jýrnalistiń jyldamdyǵyn hám alǵyrlyǵyn anyqtaý maqsatynda jedel aqparat saiysy boiynsha synǵa túsýde.
Sondai-aq, uiymdastyrýshylar stýdentter men oqytýshylarǵa shahter shaharynyń kórikti jerlerin kórsetti. Olar Saryarqa arheologiialyq murajaiy men ýniversitet mýzeiin aralady. Murajai meńgerýshisiniń sózinshe, mundaǵy eń kóne jádigerge 2000 jyl bolǵan. Ár jádiger jeke-jeke nómirlengen. Ár jerden kelgen stýdentter Arqa jeriniń ózge de tarihi eskertkishterimen tanysty.
Aslan Qajiev
IT Ýniversiteti
