Shyǵys Qazaqstan oblysynyń ákimi Danial Ahmetov soia men júgerini Qytaiǵa eksporttaý kerektigin aitty, dep habarlaidy "Ult aqparat".
«Óńirimizde agroónerkásiptik keshendi damytýdyń basty baǵyty – ósimdik sharýashylyǵy ónimderin eksportqa shyǵarý. Bul birinshi kezekte soia men júgerige qatysty. 2024 jylǵa qarai onyń egis alqaby 4,2 ese ósip, eksport kólemi 1,5 myńnan 15 myń tonnaǵa deiin, iaǵni 10 ese artady», - dedi aimaq basshysy turǵyndar aldyndaǵy esep berý kezdesýinde.
Onyń aitýynsha, Shyǵys Qazaqstan sút, bal, maraldyń múiizi, kúnbaǵys maiy óndirisi boiynsha respýblikada - birinshi, et óndirýde - ekinshi orynda tur.
«Sońǵy 5 jylda sútti mal sharýashylyǵyn damytý baǵdarlamasy aiasynda quiylǵan investitsiia turǵyndardan sút satyp alý kórsetkishin 17 ese arttyrýǵa múmkindik berdi. Nátijesinde óńdeýshi kásiporyndardyń qýaty 29-dan 75 paiyzǵa deiin ósti», - dedi Danial Kenjetaiuly.
