QR Ishki ister ministrliginiń Qylmystyq-atqarý júiesi komiteti (QAJK) sottalǵandarǵa meditsinalyq qyzmet kórsetý fýnktsiiasyn QR Densaýlyq saqtaý ministrligine beredi. Bul týraly búgin Ishki ister ministriniń orynbasary Aleksei Kalaichi málim etti, dep habarlaidy QazAqparat.
QAJK aqparatyna súiensek, búgin IIM-de «QR keibir zańnamalyq aktilerine ishki ister organdarynyń qyzmetin jetildirý máseleleri boiynsha ózgerister men tolyqtyrýlar engizý týraly» zań jobasynyń negizgi erejelerin túsindirý jáne talqylaý boiynsha jariia onlain-tyńdaý ótti.
Memleket basshysynyń tapsyrmasyn oryndaý úshin ishki ister organdarynyń qyzmetine fýnktsionaldyq taldaý júrgizilgen. Sondai-aq IIM-ge tán emes fýnktsiialardy quzyrly ministrlikterge berý boiynsha birqatar usynys ázirlengen.
«Bul shara sottalǵandarǵa tekserýdiń, diagnostika jáne emdeýdiń zamanaýi ádisterin qoldanýǵa múmkindik beredi. Sonymen qatar, mekeme ákimshiliginiń ashtyq jariialaýdy tirkeý nemese dene jaraqatyn salý týraly sheshim qabyldaǵan kezde meditsina qyzmetkerleriniń qyzmetine aralasý yqtimaldyǵy alynyp tastalady», - dedi shara barysynda A.Kalaichidi.
Qoǵamdyq tyńdaýǵa QR Parlamentiniń depýtattary, adam quqyqtary jónindegi ýákilder, múddeli memlekettik organdardyń ókilderi, advokattar men qoǵam ókilderinen quralǵan 150-ge jýyq adam qatysty.
