Sotsialistik Eńbek Eri, Aqmola oblysy men Arshaly aýdanynyń qurmetti azamaty Ibragim Janǵorazov 83 jasqa qaraǵan shaǵynda dúnieden ótti, dep habarlaidy "Ult aqparat" Aqmola oblystyq ishki saiasat basqarmasyna silteme jasap.
Aita keteiik, Ibragim Dáýituly 1937 jyldyń 19 shildesinde týǵan. Qyryq jyldan astam ýaqyt boiy respýblikamyzdyń qus ósirý salasynyń kósh basyndaǵy ujymdy basqaryp keldi. Odan basqa, «Ijevskii» ÓK - óńirdegi bidai óndirýdiń flagmany, kásiporyn mal sharýashylyǵymen tanymal bolǵan.
Ibragim Dáýituly elimizdiń, Aqmola oblysynyń áleýmettik-ekonomikalyq damýyna eleýli úles qosty. Bar ómirin agrarly salaǵa arnaǵan ol naryqtyq ekonomika jaǵdaiynda ónimdiligi joǵary kásiporyn uiymdastyrýda úlken jetistikterge jetti.
Ibragim Dáýituly - Sotsialistik Eńbek Eri, Aqmola oblysy men Arshaly aýdanynyń qurmetti azamaty, «Ijevskii» ÓK bas direktory, Qazaqstan Respýblikasy Aýyl sharýashylyq akademiiasynyń akademigi, sondai-aq, «Parasat», «Otan» tárizdi birneshe medaldardyń iegeri. Qazaqstannyń qus ósirýshiler odaǵynyń qurmetti prezidenti, Qurmetti qus ósirýshi, QR Eńbegi sińgen aýyl sharýashylyǵy qyzmetkeri, I.Baraev atyndaǵy memlekettik syilyqtyń laýreaty, Qazaqstan halqy Assambleiasynyń múshesi.
«Ol - elimizdiń jáne Aqmola oblysynyń maqtanyshy» deidi oblystyq ishki saiasat basqarmasyndaǵylar.
