- Almatyda qandy terakt uiymdastyrǵan Rýslan Kúlekbaev basty sot otyrysynda sot tártibine baǵynbaǵandyqtan sot zalynan qýyldy, dep habarlaidy Ult.kz tilshisi QazAqparat agenttigine silteme jasap.
Almaty qalasynyń Qylmystyq ister jónindegi mamandandyrylǵan aýdanaralyq sotynyń sýdiasy Erlan Bolatov osyǵan deiingi sot otyrystarynda sot ókilderine ornynan turyp, qurmet kórsetpegen Kúlekbaevqa taǵy da eskertý jasady.
«Keshe siz aýyryp otyrmyn degen soń otyryp jaýap berýge kelistik. Biraq, búgin sot tártibi boiynsha tur degende turasyz, sol úshin aldyńǵy oryndyqqa otyryńyz», - dedi Erlan Bolatov.
Buǵan Kúlekbaev estimegen keiip tanytyp tor ishindegi ekinshi oryndyqqa baryp otyrdy. Aldyna otyryńyz degen sýdia sózine: «Ne boldy?» dep jaýap berdi.
Osydan keiin sýdia Erlan Bolatov Kúlekbaevty alyp ketýdi buiyryp, advokattaryna eskertý jasady.
