Qaraǵandy oblystyq sotynyń sot alqasy Sátbaev qalasyndaǵy pedofil-jubailarǵa qatysty úkimniń kúshin joiýǵa esh negiz tappady. Úkim zańdy kúshine endi, - dep habarlaidy Tengrinews.kz tilshisi.
"Qaraǵandy oblystyq soty P. men jubaiyna qatysty Qaraǵandy oblysynyń qylmystyq ister jónindegi mamandandyrylǵan aýdanaralyq sotynyń úkimin ózgerissiz qaldyrdy. Sottalǵandardyń kinási jábirlenýshiniń, kýálardyń aiǵaqtarymen, saraptama qorytyndylarymen rastalady. P.-ǵa ómir boiy bas bostandyǵynan, al onyń jubaiyna 22 jyl bas bostandyǵynan aiyrý túrinde jaza taǵaiyndaldy, jasaǵan qylmystarynyń aýyrlyǵyn eskere otyryp, bas bostandyǵynan aiyrý ádiletti dep sanalady", - dep atap ótti Qaraǵandy oblystyq sotynyń baspasóz qyzmeti.
Eske salaiyq, bes jasar qyzdy aiaýsyz zorlaý oqiǵasy 2020 jyldyń shildesinde Sátbaev qalasynda boldy. Bala Sátbaev qalasyna ata-anasymen birge kelgen. Eresekter úide bolǵan kezde qyz aýlada júrgen. Dál sol kezde balany úi turǵyndarynyń biri baiqap, ony aldaǵan. Qyzdy bailap, kórshilerin (erli-zaiyptyny) shaqyrǵan. Kórshiler kelisken. Er adamdar zorlyq-zombylyq jasap, al áiel qyzǵa psihotroptyq preparat salǵan.
Sátbaev qalasynda joǵalǵan sábidi búkil qala bolyp izdedi. Ony keiin pedofildiń páterinen tapty. Qylmys jasaǵan adamdy politsiia páterden alyp ketti. Halyq ony tergeýsiz sotqa berýdi, iaǵni sot sheshiminsiz jazalaýdy talap etti. Sol túni Sátbaev qalasynda jappai tártipsizdik oryn aldy.
Keiin ustalǵan azamattyń ýaqytsha ustaý izoliatorynda sýitsid jasaǵany belgili boldy. Oǵan qatysty is toqtatylyp, sot isti qaramady.
Qylmysqa qatysy bar degen kúdikpen onyń kórshileri, Sátbaev qalasynyń turǵyndary - erli-zaiypty ustaldy. Alqabiler soty erli-zaiyptyny zorlaý jáne kámeletke tolmaǵandarǵa qatysty seksýaldyq sipattaǵy zorlyq-zombylyq áreketi úshin kináli dep tapty. Mas kúide qylmys jasaý sottalýshynyń is-áreketin aýyrlatatyn mán-jai retinde qaralady. Isti jeńildetetin ózge mán-jailar anyqtalǵan joq. Oǵan tótenshe qaýipsizdik mekemesinde ómir boiy bas bostandyǵynan aiyrý jazasy taǵaiyndaldy.
Sottalýshyny ómir boiy pedagogikalyq qyzmetterdi jáne kámeletke tolmaǵandarmen jumys isteýge bailanysty laýazymdardy atqarý quqyǵynan aiyryp, 22 jylǵa bas bostandyǵynan aiyrý taǵaiyndaldy. Keiinirek olardyń apelliatsiialyq shaǵym berip, jazany jeńildetýdi suraǵany belgili boldy.
