© Sputnik / Timýr Batyrshin
Astana qalasynyń prokýratýrasy eki jeke sot oryndaýshysynyń ákimshilik aiyppuldy óteýge arnalǵan qarajatty jymqyrý faktilerin anyqtady, dep habarlady bas prokýratýra.
Olar eki jyl boiy sot aktilerin oryndap, memleket qazynasyn tolyqtyrýdyń ornyna, óz ókilettikterin asyra paidalanyp, qarajatty iemdenip, jeke maqsattaryna, sonyń ishinde qumar oiyndarǵa qatysýǵa jumsaǵan.
"Sol siiaqty jeke jáne zańdy tulǵalardyń qarajaty da jymqyrylǵan. Jalpy shyǵyn 26 mln teńgeden asty", - dep jazylǵan habarlamada.
Sot oryndaýshylaryna qatysty sotqa deiingi tergeý amaldary bastalyp, keiin olar keltirilgen shyǵyndy tolyǵymen ótedi.
Tergeý nátijeleri boiynsha ýákiletti organ olardy litsenziialarynan aiyrý jóninde sharalar qabyldaidy.
