Foto: Primeminister.kz
Sot Arystanbek Muhamediulyna qatysty bultartpaý sharasyn úiqamaqqa ózgertý týraly ótinishti qanaǵattandyrmady, - dep habarlaidy Tengrinews.kz saity.
Baiqońyr aýdandyq №2 sotynda ótip jatqan sot otyrysy barysynda Arystanbek Muhamediuly bultartpaý sharasyn ózgertip, úiqamaqqa jiberýdi suraǵan edi. Ol densaýlyǵy nasharlap bara jatqanyn alǵa tartqan bolatyn. Alaida sot onyń talabyn qanaǵattandyrmady.
"Sot advokat Tóleevtiń aldyn ala tyńdaý taǵaiyndaý týraly ótinishin qanaǵattandyryp, Muhamediulyna qatysty qamaýda ustaý túrindegi bultartpaý sharasyn úiqamaqqa ózgertýden bas tartty", - delingen sot qaýlysynda.
Qaýlyda sýdia Baǵlan Ydyrysov sottalýshylar bostandyqta júrgen kezde qylmystyq isti qaraýǵa kedergi keltirýi múmkin ekenin málimdedi.
"Sonymen qatar, sottalýshy Muhamediuly men Kúshenov aýyr qylmys jasady dep aiyptalyp otyr. Muhamediulynyń aýrýy bultartpaý sharasyn ózgertýge negiz bola almaidy. Sebebi azamattarǵa meditsinalyq kómek kórsetý erejeleri bar, oǵan sáikes sottalýshy tergeý izoliatorynda meditsinalyq kómek ala alady", - delingen qaýlyda.
Eske salaiyq, 2022 jylǵy mamyrda Arystanbek Muhamediuly qamaýǵa alynǵany belgili boldy. Ol kezde Muhamediuly ulttyq mýzeidi basqaryp turǵan edi. 28 mamyrda sot sanktsiiasymen Muhamediulyna qamaýda ustaý túrindegi bultartpaý sharasy taǵaiyndaldy.
Sybailas jemqorlyqqa qarsy qyzmet "Álem murajailary boiynsha "Altyn adam" sherýi" halyqaralyq kórmesin ótkizý boiynsha memlekettik satyp alý týraly shart sheńberinde 146 million teńge mólsherinde biýdjet qarajatyn jymqyrý deregine qatysty ulttyq mýzeidiń laýazymdy tulǵalaryna jáne basqa da adamdarǵa qatysty tergeýdi bastady.
Shildede Sybailas jemqorlyqqa qarsy qyzmet agenttigi ókilderi ulttyq mýzeidiń burynǵy basshylyǵyna jáne basqa da adamdarǵa qatysty 2017-2018 jyldary "Aqparattyq resýrstarda nysandardy tanymal etý úshin jalpyulttyq tizbege engizilgen nysandardyń 3D-modelderin qurý" jobasyn iske asyrý kezinde asa iri mólsherde biýdjet qarajatyn urlaý deregi boiynsha tergeý júrgizilip jatqanyn málimdedi. Resmi derekter boiynsha tergelip jatqan qylmystyq ister boiynsha memleketke keltirilgen zalaldyń aldyn ala somasy shamamen 7 milliard teńge bolady.
Biyl qańtarda bul iske qatysty jańa derekter paida boldy. Ulttyq mýzei direktorynyń burynǵy orynbasary Almaz Nurazhannyń da qamaýǵa alynǵany belgili boldy. Al biyl aqpanda Arystanbek Muhamediulyn qamaýda ustaý merzimi eki aiǵa uzardy.
