sýret ashyq derekkózden alyndy
Sot vainerler isine qatysty tolyq mán-jaidy bólisti, - dep habarlaidy "Ult aqparat" Almaty sottarynyń resmi paraqshasyna silteme jasap.
Búgin sot “MUDARABAH CAPITAL” isi boiynsha úkim shyǵardy.
Almaty qalasy Almaly aýdandyq sotynda qylmystyq toptyń asa iri mólsherde aqsha men múlikti jymqyra otyryp, qarjy piramidasyn qurý jáne basqarý faktisi boiynsha (Qylmystyq kodekstiń 217-baby 3-bóligi 1-2 tarmaǵy), sondai-aq uiymdasqan topqa nemese qylmystyq uiymǵa qatysý faktisi boiynsha 12 aiypkerge qatysty qylmystyq is qaraldy (262-baby 1-bóligi, 2 QK).⠀
Sot aiypker K. 2019 jyly "Astex.kz" JShS-ny ashqanyn jáne ony qylmystyq toptyń músheleri aǵaiyndy M. jáne E.-ge rásimdep, direktory etip R.-ny taǵaiyndaǵanyn anyqtady.
Bul tulǵalar salymshylardy tartýmen ainalysqan, olar aqshalai qarajatty qabyldap, sondai-aq engizilgen salym somasynyń 10 paiyzyn jańa salymshylardy tartqan tulǵalardy kótermeleý úshin qoldaný maqsatynda bonýstyq baǵdarlamany engizgen.⠀
Bul rette salymshylarǵa salymdar boiynsha dividendter ala jáne bóle otyryp, olardyń tenderlik jobalarǵa baǵyttalatyny týraly jalǵan aqparat berilgen.⠀
Munyń ornyna túsken aqshalai qarajat alynyp, aiypkerlerdiń jeke shottaryna aýdarylǵan, al jábirlenýshilerdiń salym retinde usynylǵan múlikteri "Astex.kz" JShS-niń esep shotyna aqsha engizbesten satylyp otyrǵan.⠀
Osylaisha, jábirlenýshilerge asa iri mólsherde - 867,5 million teńge somasynda materialdyq zalal keltirildi.
Budan keiin aiypker K. salymshylardy tartýdyń tómen deńgeiine qanaǵattanbai, jelilik marketing salasynda tájiribesi bar adamdardy qylmystyq áreketke qatystyrý týraly sheshim qabyldaǵan. Osy maqsatta ol jelilik kompaniialardy damytý daǵdysyna ie O.-men (izdeýde) qylmystyq kelisim ornatqan.
Nátijesinde 2020 jyldyń ortasynda "MUDARABAH CAPITAL" JShS atty jańa piramida quryldy. Bul naýqan Islam qaǵidalaryna sáikes keletin qarjy (investitsiialyq) institýty retinde tanystyrylyp, jábirlenýshilerdiń osy joba senimdi degen jalǵan túsinigin qalyptastyrǵan. "MUDARABAH CAPITAL" JShS quryltaishylarynyń quramyna osy JShS-da árbiriniń 11-11,5 paiyz úlesi bar túrli qylmystyq rólder berilgen aiypker B., Ý., Ch., K., J., S. kirgen. Sondai-aq, naýqan qyzmetine kompaniianyń jumysyn nasihattaý, úgitteý, áleýmettik jelilerdegi óz paraqshalarynda JShS jarnamasyn júrgizý rólderi berilgen aiypker Sh. jáne T. da tartylǵan.
Osy qarjy piramidasynyń qylmystyq qyzmetiniń nátijesinde jábirlenýshilerge asa iri mólsherde - 1 milliard teńgeden astam materialdyq zalal keltirildi.
Sotta aiypkerler kinálaryn moiyndamai, ózderin aqtaýdy surady.
Memlekettik aiyptaýshy aiypty qoldap, sottan aiypkerlerge 5-12 jyl merzimge bas bostandyǵynan aiyrý jazasyn taǵaiyndaýdy surady. Sondai-aq, prokýror sotta QK-niń 262 b., 2 b. (uiymdasqan topqa nemese qylmystyq uiymǵa qatysý) boiynsha aiypker Sh. jáne T.-ǵa qatysty aiyptaýdan bas tartty. QK-niń 217 b. boiynsha (qylmystyq top quramynda qarjy piramidasyn qurý jáne oǵan basshylyq etý) 3 b., 1-t-dan 3 b., 2-t.-ǵa qaita aýystyrýdy surady.
Sot úkimi boiynsha 10 sottalýshy uiymdasqan topqa nemese qylmystyq uiymǵa qatysqany, qarjy (investitsiialyq) piramida qurǵany jáne oǵan basshylyq jasaǵany úshin kináli dep tanyldy jáne olarǵa qaýipsizdigi ortasha qylmystyq-atqarý júiesiniń mekemelerinde 6 jyldan 14 jylǵa deiin bas bostandyǵynan aiyrý túrindegi jaza taǵaiyndaldy.
Aiypker T. jáne Sh. qarjy piramidasyn basqarǵany úshin kináli dep tanyldy jáne olarǵa qaýipsizdigi barynsha tómen qylmystyq-atqarý júiesi mekemelerinde 5 jyl merzimge bas bostandyǵynan aiyrý jazasy taǵaiyndaldy.
Jazany taǵaiyndaý kezinde keibir sottalýshylardyń jas balalarynyń bolýy jeńildetetin jaǵdailar retinde qarastyryldy. Sondai-aq sot jábirlenýshilerdiń 1 861 752 441 teńgeden astam somany qamtityn azamattyq talaptaryn qanaǵattandyrdy.
Úkim zańdy kúshine engen joq.
