Sot bas bostandyǵynan aiyrylǵan Ulttyq qaýipsizdik komitetiniń polkovnigine qatysty úkimin ózgertti, dep habarlaidy "Ult aqparat" Nur-Sultan qalalyq sotynyń baspasóz qyzmetine silteme jasap.
Baspasóz qyzmetiniń málimetterine qaraǵanda, Esil aýdandyq sotynyń úkimimen biylǵy jyldyń 25 qańtarynda UR Ulttyq qaýipsizdik komitetiniń polkovnigi E.E. Arystan men onyń jubaiy E.Dúisenqyzy alaiaqtyq áreketi úshin bas bostandyǵynan aiyrylǵan edi. Al E.E.Arystan qosymsha para berýge májbúrleý áreketi boiynsha da aiyptaldy.
Sottalǵandar adamdar tobynyń senimine kire otyryp, aldyn ala kelisip alyp, zardap shekken azamattyń balasyn QR UQK akademiiasyna túsiremiz degen jeleýmen 15 myń AQSh dollaryn alǵan.
2021 jyldyń 10 naýryzy kúni Nur-Sultan qalasynyń soty atalǵan úkimdi ózgertti. E.E.Arystanovqa «laýazym iesi óziniń ókilettigin paidalana otyryp» alaiaqtyq jasady degen aiyp taǵylyp, 6 jylǵa bas bostandyǵynan aiyryldy. Endi ol ómir boiyna memlekettik qyzmette istei ete almaidy. Al jazasyn qylmystyq-atqarý júiesiniń qaýipsizdik deńgeii ortasha mekemesinde óteitin bolady.
Onyń jubaiy E.Dúisenqyzyna qatysty úkim ózgerissiz qaldy.
