Semei garnizonynyń áskeri soty Ekibastuz qorǵanys isteri bóliminiń inspektory Qasymbaevty alaiaqtyq babymen aiypty dep tanyp, 7,6 million teńge (19 500 dollar) aiyppul saldy jáne aǵa serjant sheninen aiyrdy. Bul týraly 9 tamyzda jemqorlyqqa qarsy qyzmettiń baspasóz qyzmeti habarlady.
Aiyptaý aktisine sai, Qasymbekov qyzmetin paidalanyp áskerge shaqyrylǵan turǵynnan «áskeri bilet áperemin» dep 800 myń teńge (shamamen 2 myń dollar) para alǵan.
Sot úkimi áli kúshine engen joq. Aiyptalýshy apelliatsiialyq shaǵym túsirýge quqyǵy bar. Eger sot úkimi kúshine ense, ol aiyppuldy úsh aida tóleýi tiis. Qazaqstan zańnamasyna sai, aiyppul úsh ai merzimde tólenbese, sottalýshy bas bostandyǵynan aiyrylady.
Qasymbekov mamyr aiynyń sońynda ustalyp, onyń ústinen Qylmystyq kodekstiń «Alaiaqtyq» babymen is qozǵalǵan.
Qazaqstan Qylmystyq kodeksiniń 366-babynda para alǵandarǵa múlkin tárkileý, ómir-baqi memlekettik qyzmetten shettetý, 7-12 jyl túrme jazasyna kesý jazasy qarastyrylǵan. Nemese paramen ustalǵandar, aqsha jymqyrǵandar shyǵyndy 60-70 ese kóp kólemde qaitarýy tiis.
