Sońǵy jyldary Jaiyq ózeniniń aǵyny 3 ese qysqardy. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«Klimattyń ózgerý saldaryn búginnen-aq sezip jatyrmyz. Qazaqstanda ortasha jyldyq aýa temperatýrasy sońǵy 100 jyldyń ishinde 1,37 gradýsqa kóterildi. Bul rette ortasha jyldyq temperatýranyń kóterilý jyldamdyǵy turaqty túrde ósip kele jatqany baiqalady», - dedi ministr «ECOJER» halyqaralyq kongresi barysynda.
Onyń atap ótýinshe, munyń barlyǵy sý resýrstary problemasyna alyp keledi.
«Óitkeni, Qazaqstan kóptegen transshekaralyq ózenderdiń tómengi aǵysynda ornalasqan. Qazaqstanǵa sý resýrstarynyń 40 paiyzdan astamy kórshi elderden keledi. Jaiyq ózeni aiqyn dálel bola alady. Sońǵy jyldary onyń ortasha jyldyq aǵyny úsh esege qysqaryp otyr», - dedi Maǵzum Myrzaǵaliev.
