QR Aýyl sharýashylyǵy ministri Saparhan Omarov Aýǵanstan Islam Respýblikasynyń Tótenshe jáne Ókiletti elshisi Mohd Farhad Azimimen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
Qazaqstan Respýblikasynyń Aýyl sharýashylyǵy ministrliginde ótken kezdesýde taraptar aýyl sharýashylyǵy salasyndaǵy elder arasyndaǵy yntymaqtastyqtyń mańyzyn atap ótti.
Aýǵanstan tarapy aldaǵy 4 jylda AIR-ny azyq-túlikpen qamtamasyz etý úshin Qazaqstannan bidai men undy memlekettik satyp alýǵa qyzyǵýshylyq tanytty.
Aita ketý kerek, aýǵan naryǵy - qazaqstandyq bidai men unnyń dástúrli ótkizý naryǵy. Qazaqstannan Aýǵanstanǵa bidai men un eksporty 2018-2019 marketing jyldary (1 shildeden 30 maýsymǵa deiin) 320 myń tonnany jáne 1 028 myń tonnany qurady.
Qazaqstandyq aýyl sharýashylyǵy ónimderiniń negizgi tutynýshylary - soltústik aýǵan óńirleri, sondai-aq astanalyq aimaq jáne Kabýl qalasy. Sondai-aq, Aýǵanstannan Qazaqstanǵa ósimdik ónimderin jetkizý, investitsiialyq yntymaqtastyq máseleleri talqylandy.
