Infektsiialyq statsionarlarǵa túsken 596 qazaqstandyqtyń jaǵdaiy aýyr, dep habarlaidy QazAqparat.
«Statsionarǵa jatqyzylǵan naýqastardyń kóbeiýi ózekti másele bolyp otyr. Sonyń ishinde aýyr jaǵdai túrimen sipattalatyn 596 naýqastyń bar ekenin aitamyz. Onyń arasynda 493 naýqas óte aýyr jaǵdaida jatsa, 103 naýqas asa aýyr jaǵdaida. Ókpeni jasandy jeldetkishpen 83 naýqas qamtamasyz etilgen», - dedi Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Ainagúl Qýatbaeva Ortalyq kommýnikatsiialar qyzmetinde.
Sondai-aq, maman sońǵy bir aptada aýrýhanaǵa aýyr jaǵdaida túsetin naýqastardyń artqanyn atady.
«Statistikalyq málimetterdi taldaityn bolsaq, sońǵy 7 kúnniń ishinde juqpaly aýrýlar statsionarlarynda tósektermen qamtamasyz etý 25 paiyzdan 29 paiyzǵa, reanimatsiialyq tósekterdiń qajettiligi 20 paiyzdan 24 paiyzǵa artqanyn aitý kerek», - dedi Ainagúl Qýatbaeva.
