Soltústik Qazaqstan oblysynyń halqy 9 aida kóshi-qon protsesiniń esebinen 3,3 myń adamǵa azaiǵan, dep habarlaidy "Ult aqparat".
Statistika departamenti osy kezeń ishinde óńirde turaqty turýǵa 5 myńnan astam adamnyń kelgenin eseptedi. Al, ketkender sany - 8,5 myń. Soǵan qaramastan, óńirden ketý qarqyny 10%-ǵa qysqarǵan.
«TMD elderine kóshkender sany ósip, 2,5 myń adamdy qurap otyr. Al, kelgender sany 25,8%-ǵa qysqaryp, 411 adam boldy. Bizdiń oblystaǵy emigranttar sanynyń basym bóligin Resei qabyldap jatyr. Olar TMD-ǵa qonys aýdarǵandardyń 98% qurap otyr. TMD elderinen oblysqa kelgender ishinde de RF kósh bastaýda», - delingen departamenttiń habarlamasynda.
Soltústik Qazaqstan turǵyndary Polsha, Germaniia jáne AQSh-qa ketip jatyr. Kelgender ishinde Qytai jáne Germaniia turǵyndary basym.
Óńiraralyq migratsiiada Aqmola oblysy men Astana qalasy kósh bastap otyr. Oblys ishinde qonys aýdarǵandar sany da aitarlyqtai qysqarǵan.
