Soltústik Qazaqstanda otty abaisyz paidalaný saldarynan órt shyqty, dep habarlaidy "Ult aqparat" QR IIM TJK baspasóz qyzmetine silteme jasap.
«2020 jyldyń 29 tamyzynda saǵat 04:01-de Soltústik Qazaqstan oblysy TJD-ǵa Esil aýdany Ilinka aýylynda turǵyn úidiń janyp jatqany týraly habar túsken. Saǵat 04:03-te atalǵan jerge órt sóndirýshiler jiberildi.
Oqiǵa ornyna saǵat 05:04-te (42 shaqyrym) jetken órt sóndirýshiler turǵyn úidiń, aýla shatyrynyń, monshanyń jáne sharýashylyq qora-jaidyń órtke oranǵanyn kórgen. Olar jetkenge deiin shatyr qulap, úi tolyqtai órt qursaýynda qalyp qoiǵan.
Kýágerlerdiń aitýynsha, úide adamdar bolǵan.
Órt sóndirý kezinde 1969 jáne 1992 jylǵy er adam men 1969 jylǵy áieldiń, 2016 jylǵy balanyń denesi tabyldy», - delingen QR IIM TJK baspasóz qyzmetiniń habarlamasynda.
Órttiń shyǵý sebebi anyqtalyp jatyr. Órt 05:47-de aýyzdyqtalyp, 07:18-de sóndirildi. Jalyn jalpy 188 sharshy metrdi sharpyǵan.
