Foto: Polisia.kz
Soltústik Qazaqstan oblysynda naizaǵai túsý saldarynan malshy qaza tapty, - dep habarlaidy "Ult aqparat" Polisia.kz Telegram-arnasyna silteme jasap.
"25 mamyrda SQO Aqqaiyń aýdandyq politsiia bóliminiń kezekshi bólimine Aqqaiyń aýdany Daiyndyq jáne Leninskoe aýyldarynyń arasynda 31 jastaǵy er adamnyń máiiti tabylǵandyǵy týraly telefon arqyly habarlama kelip tústi. Er adam baqtashy bolyp jumysqa ornalasyp, jaiylymda mal baǵyp júrgen.
Oǵan naizaǵai túskeni anyqtaldy. Er adam jáne onyń jylqysy oqiǵa ornynda qaitys bolǵan.
Tergeý áreketteri júrgizilýde, sot-meditsinalyq saraptama taǵaiyndaldy" - delingen habarlamada.
