Soltústik Qazaqstan oblysynda oqýshylar arasynda koronavirýstyń taralýyna bailanysty bir mektep jáne 46 synyp qashyqtan oqyp jatyr, dep habarlaidy "Ult aqparat".
SQO sanitariialyq-epidemiologiialyq baqylaý departamentiniń málimetinshe, óńirde koronavirýsqa qatysty jaǵdai turaqtalyp keledi. Osydan birer apta buryn infektsiiany juqtyrǵandar sany birden 40 %-ǵa artsa, ótken aptada 3,7 %-ǵa kóbeiip, 242-den 251-ge jetken. Olardyń 58 %-ynda aýrý belgileri boldy.
«Oqýshylar arasynda koronavirýstyń taralýyna bailanysty qazir óńirdegi 46 synyp jáne 1 mektep qashyqtan sabaq berýge kóshti. Jalpy tórtinshi toqsan bastalǵaly 72 oqýshyda KVI anyqtaldy. Olardyń 64-i shtattyq rejimde oqyǵan. Synypta bir oqýshy aýyrsa barlyq synyp qashyqtan oqýǵa kóshedi. 2-3 synypta qatar aýyrsa, mektep karantinge jabylady», - deidi SQO sanitariialyq-epidemiologiialyq baqylaý departamenti basshysynyń orynbasary Arman Kúshbasov.
Qyrkúiek aiynan beri oblysta 740 oqýshyda koronavirýs anyqtaldy. Balalardyń 284-i infektsiiany mektepten tys juqtyrǵan.
Jalpy oblys boiynsha KVI-di juqtyrǵandar sany 13 641-ge jetti.
