Petropavlda erteń, 16 qazannan bastap karantindik shekteýler qatańdatylyp, birqatar nysannyń jumys kestesine ózgeris engiziledi, dep habarlaidy "Ult aqparat".
Soltústik Qazaqstan oblysynda bas sanitariialyq dárigerdiń jańa qaýlysy shyqty. Koronavirýs infektsiiasyna shaldyqqandar sanynyń artýyna bailanysty óńirde karantin talaptary 16 qazannan bastap qatańdatylmaq. Osyǵan orai búgin Petropavlda brifing ótti.
SQO-nyń bas sanitariialyq dárigeri Serikbai Qasmaqasovtyń jańa qaýlysyna sáikes saýda, oiyn-saýyq ortalyqtarynyń, saýda úileriniń, azyq-túlik jáne azyq-túlik emes dúkenderdiń, monshalar men saýnalardyń jumysy saǵat 22.00-ge deiin qysqarady.
Qoǵamdyq tamaqtaný oryndarynda kelýshiler sany 50-den 30-ǵa deiin qysqaryp, saǵat 22.00-ge deiin ǵana jumys isteidi. Al mereke jáne demalys kúnderi qoǵamdyq tamaqtaný nysandarynan tamaqty tek satyp alýǵa nemese tapsyryspen alǵyzýǵa ǵana bolady.
Demalys jáne mereke kúnderi ýaqytsha jabyq jaima bazarlar, azyq-túlik emes taýarlar satatyn jabyq bazarlar, sport nysandary, fitnes, trenajer zaldary, basseinder, bilim berý ortalyqtary, úiirmeler, týrizm nysandary men saýda oiyn-saýyq ortalyqtary, aýmaǵy 500 sharshy metrden asatyn azyq-túlik emes taýarlar dúkender jumys istemeidi.
Petropavlda demalys kúnderi qoǵamdyq kólikterdiń jumysy toqtap, saiabaqtarǵa, baqtarǵa, ózen-kólderdiń jaǵasyna baryp demalýǵa tyiym salyndy.
Sondai-aq shtatta 30-dan artyq adam bolǵan jaǵdaida, 50% kem emes qyzmetkerler qashyqtan jumys isteýleri tiis.
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, óńirde naýryz aiynan beri KVI juqtyrýdyń 4257 jaǵdaiy tirkeldi. 24 adam qaitys boldy. Qazir óńir qaýipti infektsiiany juqtyrýdan birinshi orynda tur. Ótken táýlikte SQO-da jańadan 14 naýqas tirkeldi.
