Soltústik Qazaqstan oblysynyń Bas memlekettik sanitarlyq dárigeriniń qaýlysyna sáikes, Soltústik Qazaqstan oblysynyń aýmaǵynda 2020 jylǵy 21 sáýirde saǵat 00:00-den bastap kásipkerlik jáne ózge de qyzmet pen halyq turmysynyń erekshe jaǵdailary qarastyrylǵan karantin rejimi kúsheitiledi, dep habarlaidy Memlekettik komissiianyń shuǵyl shtaby.
Málimetke sai, 21 sáýir kúni saǵat 00:00-den bastap tómendegilerdi qospaǵanda, aýdandardyń jáne Petropavl qalasynyń karantindik aimaqtarynyń aýmaǵynan ketýge/kirýge tyiym salynady:
Halyqtyń tirshiligin qamtamasyz etý uiymdarynyń qyzmetkerleri;
Meditsinalyq sebeptermen ketetin jáne kiretin adamdar;
Karantin engizilgen kezeńde aýrýhanalarda emdelip, karantindik jáne ýaqytsha aýrýhanalarda baqylaýǵa alynǵan adamdardyń ketýi;
Tranzittik júk kólikteri;
Halyqtyń qajettilikteri úshin aýyl sharýashylyǵy, azyq-túlik jáne basqa da ónimderi bar júk kólikteri;
Kóktemgi dala jumystaryna, ekologiialyq, veterinariialyq, aýyl sharýashylyǵy jumystaryna, sonyń ishinde ara sharýashylyǵymen ainalysatyn tulǵalarǵa memlekettik tirkeý týraly kýáligi, jeke kýáligi, sondai-aq qyzmetkerler úshin jumys ornynan anyqtama usynylǵan kezde júrýge bolady.
Sondai-aq, áýejaidyń, temirjol vokzaldarynyń, avtostantsiialar men avtovokzaldardyń qyzmeti toqtatylady.
