1 naýryzda Soltústik Qazaqstan oblysynyń ákimi Erik Sultanov aktivke óziniń jańa orynbasary Asqar Saqypkereevti tanystyrdy, dep habarlaidy "Ult aqparat" SQO ákiminiń baspasóz qyzmetine silteme jasap.
«Prezident Ákimshiliginiń kelisimimen Asqar Jolamanuly Saqypkereevti ózimniń orynbasarym etip taǵaiyndaimyn», - dep tanystyrdy óńir basshysy.
Oblys ákimi jańa orynbasaryna jumys isteitin mindetter sheńberin belgilep berdi.
«Ol ekonomika, jumyspen qamtýdy úilestirý men memlekettik baǵdarlamalar, eńbek inspektsiiasy, dene shynyqtyrý men sport salasyna jetekshilik etetin bolady», - dedi Erik Sultanov.
Asqar Saqypkereev osy taǵaiyndaýǵa deiin 2004 jyldan bastap Soltústik Qazaqstan oblysy jumyspen qamtýdy úilestirý jáne áleýmettik baǵdarlamalar basqarmasynyń basshysy qyzmetin atqardy.
Asqar Saqypkereev Tselinograd aýyl sharýashylyǵy institýtyn, Almaty politologiia jáne basqarý institýtyn, Qazaqstan-Resei ýniversitetin «agronom-ǵalym», «saiasattanýshy», «quqyqtaný bakalavry» mamandyqtary boiynsha bitirdi.
Eńbek jolyn 1981 jyly Býlaev aýdanynyń Qaraqoǵa kensharynyń tuqym ósirýshi agronomy bolyp bastady.
Túrli jyldary Býlaev aýdandyq komsomol komitetiniń ekinshi, birinshi jáne Soltústik Qazaqstan oblysy komitetiniń hatshysy, sondai-aq, «Inter» shaǵyn kásiporny direktorynyń orynbasary, ǵylymi óndiristik eńbek birjasynyń orynbasary qyzmetinde jumys istedi.
1994 - 2004 jyldary aralyǵynda túrli kommertsiialyq qurylymdarda basshy laýazymyn atqardy.
Soltústik Qazaqstan oblysy jumyspen qamtýdy úilestirý jáne áleýmettik baǵdarlamalar basqarmasynyń basshysy qyzmetin ýaqytsha atqarý atalmysh basqarma basshysynyń orynbasary Sergei Iakovenkoǵa júkteldi.
