video kadry, foto: qamqor.gov.kz
Nurbolat Dákebaev soqqyǵa jyqqan jedel járdem júrgizýshisi Tóreǵali Berikqaliuly úndeý jasady, - dep habarlaidy Tengrinews.kz.
Eń aldymen Tóreǵali Berikqaliuly ony "haip" ustap ketti degenderge jaýap berdi.
"Men Tiktok-qa video túsirip júrgenime 1,5 jyldai boldy. Tómendegi videolardy qarasańyzdar túsinesizder. Jedel járdem júrgizýshisinen bólek aktermyn. "Bir taiaq jep aldy, haip ustap ketti" dep qate oilamańyzdar. Men eńbekpen, mańdai termen osyndai dárejege jetip kele jatqan adammyn. Men sottatyp (Nurbolat Dákebaevty-esk.) eshqandai paida kóreiin dep jatqan joqpyn. Odan eshqandai rahat almaimyn. Bir ǵana sózben aitaiyn, Alla bárin keshiredi. Qandai qatelik jasasań da Alla keshiredi. Allanyń qasynda men jai ǵana qulmyn", - deidi Tóreǵali Berikqaliuly.
Tengrinews.kz tilshisi Tóreǵali Berikqaliulyna habarlasyp, onyń beine-úndeýi Dákebaevpen tatýlasýǵa daiyn ekenin bildire me, surap kórdi. Alaida jábirlenýshi tarap bári sotta belgili bolatynyn aityp, eshqandai pikir berýden bas tartty.
