ۆيدەو كادرى, فوتو: qamqor.gov.kz
نۇربولات دەكەباەۆ سوققىعا جىققان جەدەل جەردەم جٷرگٸزۋشٸسٸ تٶرەعالي بەرٸكقاليۇلى ٷندەۋ جاسادى, - دەپ حابارلايدى Tengrinews.kz.
ەڭ الدىمەن تٶرەعالي بەرٸكقاليۇلى ونى "حايپ" ۇستاپ كەتتٸ دەگەندەرگە جاۋاپ بەردٸ.
"مەن تيكتوك-قا ۆيدەو تٷسٸرٸپ جٷرگەنٸمە 1,5 جىلداي بولدى. تٶمەندەگٸ ۆيدەولاردى قاراساڭىزدار تٷسٸنەسٸزدەر. جەدەل جەردەم جٷرگٸزۋشٸسٸنەن بٶلەك اكتەرمىن. "بٸر تاياق جەپ الدى, حايپ ۇستاپ كەتتٸ" دەپ قاتە ويلاماڭىزدار. مەن ەڭبەكپەن, ماڭداي تەرمەن وسىنداي دەرەجەگە جەتٸپ كەلە جاتقان اداممىن. مەن سوتتاتىپ (نۇربولات دەكەباەۆتى-ەسك.) ەشقانداي پايدا كٶرەيٸن دەپ جاتقان جوقپىن. ودان ەشقانداي راحات المايمىن. بٸر عانا سٶزبەن ايتايىن, اللا بەرٸن كەشٸرەدٸ. قانداي قاتەلٸك جاساساڭ دا اللا كەشٸرەدٸ. اللانىڭ قاسىندا مەن جاي عانا قۇلمىن", - دەيدٸ تٶرەعالي بەرٸكقاليۇلى.
Tengrinews.kz تٸلشٸسٸ تٶرەعالي بەرٸكقاليۇلىنا حابارلاسىپ, ونىڭ بەينە-ٷندەۋٸ دەكەباەۆپەن تاتۋلاسۋعا دايىن ەكەنٸن بٸلدٸرە مە, سۇراپ كٶردٸ. الايدا جەبٸرلەنۋشٸ تاراپ بەرٸ سوتتا بەلگٸلٸ بولاتىنىن ايتىپ, ەشقانداي پٸكٸر بەرۋدەن باس تارتتى.
