Halyqaralyq dziýdo federatsiiasy jyl sońynda olimpiadalyq reitingti jańartty. Qazaqstandyq balýandar Olimpiada qarsańynda upai jinaýdy odan ári jalǵastyrmaq, dep jazady Olympic.kz.
Otandyq dziýdoshylar arasynan reitingte joǵary orynda turǵan eki sportshy bar. Olar - Eldos Smetov (60 keli) pen Erlan Serikjanov (66 keli).
Smetov óz salmaǵyndaǵy olimpiadalyq reitingte 5-shi orynda tur. 66 kelidegi Erlan Serikjanov ta úzdik bestikke engen.
Ǵusman Qyrǵyzbaev (60 keli) 11-shi, Eldos Jumaqanov (66 keli) 15-shi, Jansai Smaǵulov (73 keli) 11-shi, Didar Hamza (81 keli) 10-shy, Islam Bozbaev (90 keli) 10-shy, Erasyl Qajybaev (+100 keli) 23-shi orynda.
Eske sala keteiik, Halyqaralyq dziýdo federatsiiasy bekitken ereje boiynsha, Olimpiada oiyndaryna óz salmaǵynda úzdik 18 sportshynyń qataryna engen dziýdoshylar ǵana qatysa alady.
