Úkimet otyrysynda kóktemdegi yqtimal tasqyndarǵa daiyndyq sharalary talqylandy, dep habarlaidy QazAqparat.
Premer-Ministr Álihan Smaiylov tasqynǵa qarsy daiyndyq máselesinde ákimdikter men Tótenshe jaǵdailar ministrliginiń arasynda úilesken jumys joqtyǵyn synǵa aldy.
«Naýryz aiy qalypty normadan jyly bolady degen boljam bar. Demek, qardyń kúrt erýinen eldiń birqatar óńirindegi jaǵdai qiyndap ketýi múmkin. Keibir aimaqtardaǵy jaǵdai jyldan-jylǵa qaitalanyp keledi. Bul birinshi kezekte Tótenshe jaǵdailar ministrligi men jergilikti bilik arasyndaǵy jaýapkershilikti bir-birine silteý máselesine qatysty bolyp otyr», - dedi Úkimet basshysy.
Onyń paiymynsha, sý tasqynynyń aldyn alý jáne odan keletin shyǵyndardy azaitý ákimdikterdiń júieli jumysyna tikelei bailanysty.
«Ákimdikter kúndelikti qar shyǵarý, ýaqytsha bógetterdi salý jumystaryn ýaqtyly jurigzýi tiis. Tótenshe jaǵdailarǵa jergilikti biýdjetterde jetkilikti qarajat qarastyrylýy kerek. Sý tasqynynyń aldyn alýǵa qatysty búkil máselelerdi ákimdikter qatań baqylaýdǵa ustaýǵa tiis», - dedi Álihan Smaiylov.
