primeminister.kz
Premer-ministr Álihan Smaiylov Máskeýge jumys sapary barysynda Resei Federatsiiasy úkimetiniń tóraǵasy Mihail Mishýstinmen kelissóz júrgizdi, - dep habarlaidy "Ult aqparat" primeminister.kz saityna silteme jasap.
Keńeitilgen quramda ótken kezdesý barysynda Álihan Smaiylov Qazaqstan men Resei memleketaralyq bailanystyń barlyq spektri boiynsha ekijaqty ózara is-qimyldyń dástúrli joǵary deńgeiine ie ekenin atap ótti.
Biyl eki memleket arasyndaǵy diplomatiialyq qatynastardyń ornaǵanyna jáne Dostyq, yntymaqtastyq jáne ózara kómek týraly sharttyń bekitilgenine 30 jyl tolady.
"Osy kezeńde senimdi ári syndarly dialog ornady. Kóptegen ózara tiimdi baǵyt boiynsha seriktestik joǵary deńgeige kóterildi", - dedi Álihan Smaiylov.
Sonymen qatar, QR Úkimetiniń basshysy ekijaqty qarym-qatynasty odan ári damytý úshin UQShU-ǵa múshe Memleketter basshylarynyń mereitoilyq otyrysy aiasynda Qazaqstan men Resei Prezidentteriniń jaqynda ótken kezdesýi barysynda mańyzdy baǵdarlardyń belgilengenin jetkizdi.
Resei Federatsiiasy - Qazaqstannyń negizgi saýda-ekonomikalyq seriktesi. 2021 jyldyń qorytyndysy boiynsha ózara taýar ainalymy úshten birge ósip, 24,2 milliard dollar rekordtyq kórsetkishke jetti.
Osyǵan orai, Álihan Smaiylov eki el Úkimetteri aldynda ózara saýda men investitsiialardy odan ári arttyrý mindeti turǵanyn atap ótti.
"Elderimiz arasynda kópjosparly ekonomikalyq bailanystardy damytý boiynsha júieli jumys júrgizilip jatyr. Atalǵan baǵytta Ekonomikalyq yntymaqtastyqtyń 2021-2025 jyldarǵa arnalǵan keshendi baǵdarlamasyn ýaqytyly iske asyrýdyń mańyzy zor", - dedi QR Premer-Ministri.
Sondai-aq Álihan Smaiylov yntymaqtastyqtyń taǵy bir mańyzdy baǵyty ónerkásiptik kooperatsiia ekenin atap ótti.
Qazaqstanda 13 mańyzdy birlesken joba iske asyryldy. Birqatar salada, onyń ishinde mashina jasaý, metallýrgiia jáne himiia ónerkásibinde quny shamamen 4 milliard dollar bolatyn 22 iri joba júzege asyrylyp, keibiri pysyqtalyp jatyr.
"Bul baǵytta bizdiń odan ári damý áleýetimiz joǵary. Birlesken jobalardy tezirek iske qosýǵa múddelimiz jáne jan-jaqty qoldaý kórsetýge daiynbyz", - dedi QR Úkimetiniń basshysy.
Álihan Smaiylov Qazaqstan men Resei EAEO, TMD, UQShU, ShYU jáne AÓSShK siiaqty aimaqtyq uiymdar aiasynda da tabysty ózara is-qimyl ornatqanyn atap ótti.
"Qazaqstan-Resei strategiialyq áriptestigi aldaǵy ýaqytta da barlyq baǵytta joǵary qarqynmen damitynyna senimdimin", - dep túiindedi QR Premer-Ministri.
Óz kezeginde Mihail Mishýstin búgingi kezdesý eki memleket prezidentteriniń 16 mamyrda Máskeýde qol jetkizilgen kelisimderin damytý aiasynda ótip jatqanyn aitty.
"Qazaqstanmen dostyǵymyzdy, tatý kórshilik qarym-qatynasymyzdy, odaqtastyǵymyzdy joǵary baǵalaimyz. Biz negizgi basym mindetterdiń biri retinde Qazaqstanmen saýda-ekonomikalyq yntymaqtastyqty keńeitý máselesin qarastyramyz", - dedi Mihail Mishýstin.
Resei Federatsiiasy úkimetiniń tóraǵasy importty almastyrý baǵdarlamalaryn júzege asyrýdyń perspektivalaryn atap ótti.
"Ónerkásipte, mashina jasaýda, kólik, energetika, tsifrlyq ekonomika salalarynda birlesken jańa strategiialyq jobalardy iske qosýǵa jaǵdai jasalǵan. Bul máseleler bizdiń Úkimetaralyq komissiianyń turaqty baqylaýyna alynǵan", - dedi Mishýstin.
Kelissóz qorytyndysy boiynsha taraptar ózara tiimdi saýda-ekonomikalyq yntymaqtastyqty odan ári nyǵaitýǵa kelisti.
