Sondai-aq R. Skliar energiia únemdeý jáne energiia tiimdiligin arttyrý, jańartylatyn energiia kózderin, kómir, atom ónerkásibin jáne iadrolyq energetikany damytý, ónerkásip, innovatsiialar, tehnikalyq retteý, elektr energetikasy, geologiia jáne jer qoinaýyn paidalaný, munai himiiasy, eksporttyq baqylaý, qorshaǵan ortany qorǵaý, agroónerkásiptik keshen, jylý berý maýsymdaryna daiyndyq jáne olardy ótkizý, tótenshe jaǵdai jáne jumyldyrý jumysy, ǵarysh qyzmeti, bailanys jáne basqa máselelerge jetekshilik etedi.
Premer-ministrdiń orynbasary Eraly Toǵjanov bilim men ǵylymdy damytý, densaýlyq saqtaý, áleýmettik jańǵyrtý, jumyspen qamtý, mádeniet pen sportty, týrizmdi damytý, memlekettik jastar jáne otbasy saiasaty, qoǵamdyq sanany jańǵyrtý, konfessiiaaralyq jáne etnosaralyq kelisimdi qamtamasyz etý, memlekettik tildi damytý, demografiialyq jáne kóshi-qon saiasaty máselelerine jaýapty.
Sondai-aq úilestiriletin máseleler qatarynda memleket pen azamattyq qoǵamnyń ózara is-qimyly máseleleri bar.
Premer-ministrdiń orynbasary Muhtar Tileýberdi syrtqy saiasi baǵdardy iske asyrý, syrtqy ekonomikalyq saiasatty júzege asyrý jáne halyqaralyq sharttardyń jasalýyn úilestirý, onyń ishinde QR Memlekettik shekarasyn mejeleý, shegendeý, syrtqy investitsiialardy tartý, Qazaqstan Respýblikasynyń shet memlekettermen jáne halyqaralyq uiymdarmen saýda-ekonomikalyq, qarjylyq, ǵylymi jáne ǵylymi-tehnikalyq, mádeni, sondai-aq basqa da bailanystaryn keńeitý máselelerimen ainalysady.
Sonymen qatar kóshi-qon salasyndaǵy halyqaralyq yntymaqtastyq, shet eldermen úkimetaralyq komissiialardyń qyzmetin úilestirý de kiredi.
Premer-ministrdiń orynbasary Baqyt Sultanov saýda saiasaty, tarif saiasaty, Eýraziialyq ekonomikalyq odaq aiasyndaǵy yntymaqtastyq, Dúniejúzilik saýda uiymy sheńberindegi yntymaqtastyq máselelerine jetekshilik etedi.
Premer-ministrdiń orynbasary Erulan Jamaýbaev qarjy sektory, makroekonomikalyq saiasat, biýdjet, salyq jáne keden saiasaty, memlekettik josparlaý júiesi, shaǵyn jáne orta kásipkerlikti damytý, kontsessiia máselelerin qosa alǵanda, memlekettik-jekeshelik áriptestikti damytý máselelerin úilestiredi.
Sondai-aq investitsiialyq saiasat, statistika, jobalyq basqarýdy damytý, kásipkerler úshin ákimshilik kedergilerdi azaitý, halyqaralyq qarjy institýttaryn úilestirý máseleleri bekitildi.
Buǵan qosa ekonomikany monopoliiasyzdandyrý, kvazimemlekettik sektor sýbektileriniń qyzmetin reformalaý, biznestiń problemalyq máselelerin qaraý jáne sheshý qyzmetterin retteidi.
