Negizgi basymdyq – ishki naryqty, kásiporyndardy gazdandyrý. Bul týraly Úkimet otyrysynda QR Premer-Ministri Álihan Smaiylov aitty dep habarlaidy QazAqparat.
«Prezident energetikalyq daǵdarysty boldyrmaýdyń negizgi mindeti retinde taýarlyq jáne suiytylǵan gaz óndirisin ulǵaitý qajettigin aiqyndady. Negizgi basymdyq – ishki naryqty, kásiporyndardy gazdandyrý. Sondyqtan resýrstyq bazany ulǵaitý máselesi óte ózekti bolmaq», - dedi Úkimet basshysy.
Premer-Ministrdiń atap ótýinshe, ol úshin investorlarǵa qajetti ekonomikalyq yntalandyrýlar kózdelýi tiis.
«Memleket basshysy munai-gaz jobalary úshin Jaqsartylǵan modeldik kelisimshart pen Arnaiy investitsiialyq kelisimdi ázirleý arqyly osyndai yntalandyrýlardy engizýdi tapsyrǵan bolatyn. Sondyqtan Energetika ministrligine Ulttyq ekonomika, Qarjy jáne Ádilet ministrlikterimen birlesip, bir ai merzimde Úkimetke zańnamalyq túzetýlerdiń tiisti paketin engizýdi tapsyramyn», - dedi Álihan Smaiylov.
