Foto: primeminister.kz
Premer-Ministr Álihan Smaiylovtyń tóraǵalyǵymen ótken Úkimet otyrysynda qyzylshamen syrqattanýshylyqtyń kúrt ósýi kún tártibinen tys qaraldy, dep habarlaidy "Ult aqparat" primeminister.kz saityna silteme jasap.
Densaýlyq saqtaý ministri Ajar Ǵiniiat habarlaǵandai, qyzylsha aýrýynyń asqynýy boiynsha álemniń 167 elinde 415 myńnan astam jaǵdai tirkelgen. Elimizde qyzylshanyń 17 myńnan astam jaǵdaiy tirkeldi. Olardyń 82%-dan astamy balalarǵa tiesili, onyń kópshiligi - vaktsina almaǵan balalar.
Qyzylsha aýrýlary barlyq óńirde tirkelgen, joǵary deńgei Shymkent pen Almaty qalalarynda, Jambyl, Almaty, Mańǵystaý, Aqtóbe, Qyzylorda jáne Atyraý oblystarynda baiqalady.
Uiymdasqan ujymdarda balalardyń jinalýyna bailanysty biylǵy qyrkúiek aiynan bastap syrqattanýshylyqtyń kúrt ósýi baiqala bastady. Nátijesinde syrqattanýshylyq deńgeii eki esege ósti. Qarasha aiynda qyzylshanyń 6 myńnan astam jaǵdaiy tirkeldi.
Búgingi tańda elimizde qyzylshamen aýyrǵan naýqastar úshin infektsiialyq aýrýhanalarda 3,5 myńnan astam tósek-oryn ornalastyrylǵan, 2375 bala statsionarlyq emdeýde jatyr. Tósek orynmen qamtý júktemesi 59,5%-dy quraidy jáne myńnan astam oryn rezervte tur. Emdeýge jatqyzylǵandar ishinde 30 bala reanimatsiia bólimshelerinde aýyr jaǵdaida jatyr, 1 jasqa deiingi 15 bala bar.
Qyzylsha boiynsha jaǵdaidy turaqtandyrý maqsatynda 1 jastan 6 jasqa deiingi 600 myńnan astam bala josparly immýndaýmen qamtyldy, bul vaktsinalanatyndardyń 84%-yn quraidy. Bul DDU usynymyna sáikes keledi. Jyl sońyna deiin osy jas aralyǵyndaǵy 100 myńnan astam balany qamtý josparlanyp otyr.
Aýrý oshaqtarynda 15,4 myńnan astam adam shuǵyl vaktsinalaýmen qamtyldy. Sondai-aq 18 jasqa deiingi buryn egilmegen 63,2 myń balaǵa vaktsinatsiia júrgizildi. Sonymen qatar naýqastardyń 65%-y 5 jasqa deiingi balalarǵa tiesili ekenin eskere otyryp, qarasha aiynan bastap 1 jasqa deiingi balalardy, sondai-aq 2 jastan 4 jasqa deiingi balalardy qosymsha jappai immýndaý bastaldy, 94 myń adam qamtyldy. Biyl barlyǵy 770 myńnan astam balaǵa vaktsina egildi.
Sonymen qatar qyzylshaǵa qarsy vaktsinanyń qosymsha 1,5 mln dozasy satyp alyndy. Búgingi tańda 500 myń doza kelip tústi, jeltoqsan aiynda 1 mln doza jetkiziledi dep kútilýde. Jalpy, qosymsha immýndaýdyń tiimdiligi 2005, 2015 jáne 2019 jyldardaǵy qyzylshanyń aldyńǵy órshýi kezinde dáleldendi.
Premer-Ministr elimizde aýrýdyń taralýyn múmkindiginshe tezirek toqtatý kerektigin atap ótti.
«Qyzylsha asqynyp ketse, balalardyń densaýlyǵyna asa qaýip tóndiredi. Sondyqtan onymen tek densaýlyq saqtaý júiesi ǵana emes, búkil qoǵam bolyp, kúresýimiz qajet. Bala densaýlyǵy basty nazarda bolýy tiis», — dedi Álihan Smaiylov.
Úkimet basshysy vaktsina alýdan basqa, mundai qaýipti virýspen basqasha kúresý múmkin emes ekenin atap ótti jáne tiisti jumysty kúsheitýdi tapsyrdy.
«Densaýlyq saqtaý ministrligi men ákimdikter vaktsina alýdyń qajettiligi týraly aqparattyq-túsindirý jumystaryn kúsheitý kerek. Barlyq ákimder vaktsinalaý máselesin jeke baqylaýda ustap, Densaýlyq saqtaý ministrligimen birge jumysty úilestirýi qajet», — dedi Premer-Ministr.
