فوتو: primeminister.kz
پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا قىزىلشامەن سىرقاتتانۋشىلىقتىڭ كٷرت ٶسۋٸ كٷن تەرتٸبٸنەن تىس قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
دەنساۋلىق ساقتاۋ مينيسترٸ اجار عينييات حابارلاعانداي, قىزىلشا اۋرۋىنىڭ اسقىنۋى بويىنشا ەلەمنٸڭ 167 ەلٸندە 415 مىڭنان استام جاعداي تٸركەلگەن. ەلٸمٸزدە قىزىلشانىڭ 17 مىڭنان استام جاعدايى تٸركەلدٸ. ولاردىڭ 82%-دان استامى بالالارعا تيەسٸلٸ, ونىڭ كٶپشٸلٸگٸ - ۆاكتسينا الماعان بالالار.
قىزىلشا اۋرۋلارى بارلىق ٶڭٸردە تٸركەلگەن, جوعارى دەڭگەي شىمكەنت پەن الماتى قالالارىندا, جامبىل, الماتى, ماڭعىستاۋ, اقتٶبە, قىزىلوردا جەنە اتىراۋ وبلىستارىندا بايقالادى.
ۇيىمداسقان ۇجىمداردا بالالاردىڭ جينالۋىنا بايلانىستى بيىلعى قىركٷيەك ايىنان باستاپ سىرقاتتانۋشىلىقتىڭ كٷرت ٶسۋٸ بايقالا باستادى. نەتيجەسٸندە سىرقاتتانۋشىلىق دەڭگەيٸ ەكٸ ەسەگە ٶستٸ. قاراشا ايىندا قىزىلشانىڭ 6 مىڭنان استام جاعدايى تٸركەلدٸ.
بٷگٸنگٸ تاڭدا ەلٸمٸزدە قىزىلشامەن اۋىرعان ناۋقاستار ٷشٸن ينفەكتسييالىق اۋرۋحانالاردا 3,5 مىڭنان استام تٶسەك-ورىن ورنالاستىرىلعان, 2375 بالا ستاتسيونارلىق ەمدەۋدە جاتىر. تٶسەك ورىنمەن قامتۋ جٷكتەمەسٸ 59,5%-دى قۇرايدى جەنە مىڭنان استام ورىن رەزەرۆتە تۇر. ەمدەۋگە جاتقىزىلعاندار ٸشٸندە 30 بالا رەانيماتسييا بٶلٸمشەلەرٸندە اۋىر جاعدايدا جاتىر, 1 جاسقا دەيٸنگٸ 15 بالا بار.
قىزىلشا بويىنشا جاعدايدى تۇراقتاندىرۋ ماقساتىندا 1 جاستان 6 جاسقا دەيٸنگٸ 600 مىڭنان استام بالا جوسپارلى يممۋنداۋمەن قامتىلدى, بۇل ۆاكتسينالاناتىنداردىڭ 84%-ىن قۇرايدى. بۇل ددۇ ۇسىنىمىنا سەيكەس كەلەدٸ. جىل سوڭىنا دەيٸن وسى جاس ارالىعىنداعى 100 مىڭنان استام بالانى قامتۋ جوسپارلانىپ وتىر.
اۋرۋ وشاقتارىندا 15,4 مىڭنان استام ادام شۇعىل ۆاكتسينالاۋمەن قامتىلدى. سونداي-اق 18 جاسقا دەيٸنگٸ بۇرىن ەگٸلمەگەن 63,2 مىڭ بالاعا ۆاكتسيناتسييا جٷرگٸزٸلدٸ. سونىمەن قاتار ناۋقاستاردىڭ 65%-ى 5 جاسقا دەيٸنگٸ بالالارعا تيەسٸلٸ ەكەنٸن ەسكەرە وتىرىپ, قاراشا ايىنان باستاپ 1 جاسقا دەيٸنگٸ بالالاردى, سونداي-اق 2 جاستان 4 جاسقا دەيٸنگٸ بالالاردى قوسىمشا جاپپاي يممۋنداۋ باستالدى, 94 مىڭ ادام قامتىلدى. بيىل بارلىعى 770 مىڭنان استام بالاعا ۆاكتسينا ەگٸلدٸ.
سونىمەن قاتار قىزىلشاعا قارسى ۆاكتسينانىڭ قوسىمشا 1,5 ملن دوزاسى ساتىپ الىندى. بٷگٸنگٸ تاڭدا 500 مىڭ دوزا كەلٸپ تٷستٸ, جەلتوقسان ايىندا 1 ملن دوزا جەتكٸزٸلەدٸ دەپ كٷتٸلۋدە. جالپى, قوسىمشا يممۋنداۋدىڭ تيٸمدٸلٸگٸ 2005, 2015 جەنە 2019 جىلدارداعى قىزىلشانىڭ الدىڭعى ٶرشۋٸ كەزٸندە دەلەلدەندٸ.
پرەمەر-مينيستر ەلٸمٸزدە اۋرۋدىڭ تارالۋىن مٷمكٸندٸگٸنشە تەزٸرەك توقتاتۋ كەرەكتٸگٸن اتاپ ٶتتٸ.
«قىزىلشا اسقىنىپ كەتسە, بالالاردىڭ دەنساۋلىعىنا اسا قاۋٸپ تٶندٸرەدٸ. سوندىقتان ونىمەن تەك دەنساۋلىق ساقتاۋ جٷيەسٸ عانا ەمەس, بٷكٸل قوعام بولىپ, كٷرەسۋٸمٸز قاجەت. بالا دەنساۋلىعى باستى نازاردا بولۋى تيٸس», — دەدٸ ەليحان سمايىلوۆ.
ٷكٸمەت باسشىسى ۆاكتسينا الۋدان باسقا, مۇنداي قاۋٸپتٸ ۆيرۋسپەن باسقاشا كٷرەسۋ مٷمكٸن ەمەس ەكەنٸن اتاپ ٶتتٸ جەنە تيٸستٸ جۇمىستى كٷشەيتۋدٸ تاپسىردى.
«دەنساۋلىق ساقتاۋ مينيسترلٸگٸ مەن ەكٸمدٸكتەر ۆاكتسينا الۋدىڭ قاجەتتٸلٸگٸ تۋرالى اقپاراتتىق-تٷسٸندٸرۋ جۇمىستارىن كٷشەيتۋ كەرەك. بارلىق ەكٸمدەر ۆاكتسينالاۋ مەسەلەسٸن جەكە باقىلاۋدا ۇستاپ, دەنساۋلىق ساقتاۋ مينيسترلٸگٸمەن بٸرگە جۇمىستى ٷيلەستٸرۋٸ قاجەت», — دەدٸ پرەمەر-مينيستر.
