Foto: primeminister.kz
Úkimet basshysy Álihan Smaiylov QR Májilisiniń jalpy otyrysynan keiingi brifingte kenshilerdi qoldaýdyń jańa sharalary týraly óz pikirin bildirdi, dep habarlaidy "Ult aqparat" primeminister.kz saityna silteme jasap.
Birinshi kezekte, Álihan Smaiylov ekonomikanyń túrli salalarynda jumys isteitin jeke kásiporyndardaǵy eńbek ujymdarynyń jalaqysyn arttyrý taqyrybyn qozǵady.
«Biz iri kompaniialarmen jalaqyny kóterý boiynsha jumys júrgizip jatyrmyz. Qazirgi málimet boiynsha, jalaqy ortasha eseppen 10-50%-ǵa birtindep artyp keledi. Atalǵan jumysty 8 myńǵa jýyq kásiporyn júzege asyryp jatyr. Bul úderis aldaǵy ýaqytta da jalǵasyn tabady», — dedi Premer-Ministr.
Sonymen qatar Memleket basshysynyń tapsyrmasy boiynsha ziiandy eńbek jaǵdailarynda jumys isteitin qyzmetkerlerge arnaýly áleýmettik tólemder engizý boiynsha zańnamalyq túzetýler ázirlendi.
«Bul túzetýler adamdarǵa 55 jasta osy ziiandy eńbek jaǵdailarynan shyǵyp, tiisti áleýmettik tólemder alýyna múmkindik beredi. Atalǵan tólemder tórt túrli qarjy kózinen: respýblikalyq biýdjet, Biryńǵai jinaqtaýshy zeinetaqy qory, saqtandyrý uiymdarynyń qarajaty jáne jumys berýshiler esebinen júzege asyrylatyn bolady. Zeinetkerlik jasqa tolǵannan keiin olar jalpyǵa birdei belgilengen zeinetaqy alady», — dedi Álihan Smaiylov.
Onyń aitýynsha, osylaisha, 55 jastan keiin kenshiler arnaiy áleýmettik tólemder alady jáne qajet bolǵan jaǵdaida ziiandy eńbek jaǵdaiyna qatysy joq basqa jumysqa ornalasa alady.
«Zań jobasy Májilis qaraýynda. Depýtattar bizdi qoldap, zań jobasy jaqyn arada qabyldanady dep úmittenimiz», — dep túiindedi sózin Premer-Ministr.
