Premer-ministr Álihan Smaiylov turǵyndarmen betpe-bet kezdesý ótkizgisi kelmeitin ákimderge eskertý jasady, - dep habarlaidy Tengrinews.kz agenttigi.
Úkimet otyrysynda Smaiylov halyqpen tikelei kezdesýler ótkizý jáne kezdesý týraly baspasózde aldyn ala habarlaý Prezident tapsyrmasy ekenin atap ótti.
Ol aimaqtardaǵy ministrlermen kezdesýde azamattardy uialy bailanys pen internet sapasy, elektrlendirý men gazdandyrý, aýyzsýmen qamtamasyz etý jáne áleýmettik máseleler kóbirek qyzyqtyratynyn aitty.
"Jańa formattaǵy otyrystarǵa sáikes bul máseleler sheshimi memlekettik organdardyń resmi internet-resýrstarynda da ornalastyrylady. Barlyq deńgeidegi ákimder halyqpen kezdesý ótkizgennen keiin máslihat sessiialarynda olardy qarjylandyrý múmkindigin eskere otyryp, máselelerdi júieleidi.
Keibir óńirlerde jinalystardy ótkizýdiń jańa formatyna áli beiimdele qoiǵan joq. Kezdesýlerge erkin qatysý printsipin saqtaý kerek. Memleket basshysy "estitin memleket" qaǵidasynyń mańyzdylyǵyna toqtaldy. Biz halyq máselesin, olardyń syn-pikirlerin tyńdaýymyz kerek", - dedi premer-ministr.
Ol barlyq deńgeidegi ákimmen ótken kezdesýlerde turǵyndar tarapynan 30 myńǵa jýyq saýaldar men usynystar kóterilgenin naqtylady.
"Bul máselelerdi sheshý qajet. Halyq ózderi kótergen máseleler sheshimin taýyp jatqanyn kórýi kerek. Jyl aiaǵyna deiin ortalyq jáne jergilikti organdar bekitilgen format pen kestege sáikes halyqpen kezdesýdi jalǵastyrady.
Qolda bar zamanaýi kommýnikatsiialar men resýrstardy paidalana otyryp, árbir otyrys buryn atqarylǵan isterdi, basqa máselelerdiń qalai sheshiletinin kórsete otyryp, keńinen qamtylýy kerek", - dep tapsyrdy premer-ministr.
Sondai-aq, ol túitkildi máselelerdi jedel sheshýge basa nazar aýdarýdy, al Ulttyq ekonomika jáne aqparat ministrlikterine turǵyndar tarapynan kóterilgen barlyq máseleni bir júiege keltirip, olardy sheshý boiynsha is-sharalar josparyn bekitýdi tapsyrdy.
"Respýblikalyq jáne jergilikti biýdjet jobalaryn qalyptastyrý nemese naqtylaý kezinde turǵyndardyń jinalystarda kótergen máselelerin eskerý qajet ekenine nazar aýdarǵym keledi", - dep qosty Smaiylov.
