«Smart Astana» mobildik qosymshasy arqyly endi qazaqstandyq radiolardy tyńdaýǵa bolady. Bul týraly Nur-Sultan qalasy ákiminiń orynbasary Málika Bekturova málim etti, dep habarlaidy "Ult aqparat".
«Óz telefonyńyzda mýzykany tegin tyńdaǵyńyz kele me? Endi ol «Smart Astana» mobildik qosymshasynda qoljetimdi. Oǵan eń tanymal tórt radio endi. Olar – Qazaq radiosy, «Classic» radiosy, «Shalqar» radiosy jáne «Astana» radiosy», - dep jazdy M.Bekturova Telegram-da.
Aita keteiik búginde «Smart Astana» mobildik qosymshasynda 70-ten astam servis pen qyzmet túrleri usynylǵan. Olardyń arasynda eń kóp suranysqa ie fýnktsiialar - dáriger qabyldaýyna jazylý, ákimshilik aiyppuldar men zańbuzýshylyqtardy tekserý, eńbekke jaramsyzdyq paraǵynyń túpnusqalyǵyn, turǵyn úi kezegin, kóliktiń tehnikalyq baqylaýyna qatysty málimetterdi kórý.
«Budan bólek, osy platformada qaiyrymdylyq jobasyna aqshany jyldam jáne qaýipsiz aýdarýǵa bolady. Iaǵni, kraýdfandingilik platforma ashyq», - deidi ákim orynbasary.
