Soltústik Qazaqstan oblysyna Pfizer vaktsinasynyń 33 myń danasy jetkizildi, dep habarlaidy QazAqparat.
SQO densaýlyq saqtaý basqarmasy basshysynyń mindetin atqarýshy Nurlan Aimanovtyń aitýynsha, Pfizer kompaniiasynyń vaktsinasymen 42 705 adamǵa ekpe jasaý josparlanǵan. Bul preparat ta eki kezeńmen egiledi, 21-28 kúnnen keiin ekinshi dozasyn alý qajet. Birinshi kezeńde úsh sanatqa jatatyn adamdar bul ekpeni alady. Olar 16-18 jastaǵy jasóspirimder, júktiliktiń 16-dan 37 aptasyna deiingi aralyqtaǵy júkti áielderge, bala emizetin áielderge ekpe egý bastalady. Pfizer kompaniiasynyń «Komirnati» vaktsinasy jazba túrdegi kelisimnen keiin ǵana qoiylady.
«Qazirgi ýaqytta densaýlyq saqtaý basqarmasy bilim basqarmasynyń kómegimen ata-analardyń, balalardyń zańdy ókilderiniń, júkti jáne emshektegi balasy bar áielderdiń vaktsinatsiiaǵa kózqarasyn bilip jatyr. Qarsy emesterdiń tizimi jasalady. Ár emhanada osy sanatqa jatatyndarǵa arnalǵan bólek ekpe pýnkti qurylady. Sondai-aq mektepterge kóshpeli ekpe pýnktteri barady», - deidi Nurlan Aimanov.
SQO-ǵa 11 qarasha kúni Pfizer kompaniiasynyń 33 myń dana vaktsinasy jetkizildi. Birer kúnde ekpe jumystary bastalmaq.
Qazirgi ýaqytta óńirde 14 bala statsionarda, 158 bala ambýlatorlyq em alyp jatyr. Al biyldyqqa 646 júkti áiel virýsty juqtyryp, em alǵan. 38 jaǵdaida bolashaq ananyń ómirin saqtap qalý úshin júktilikti erte kezeńde toqtatýǵa týra kelgen. Ókinishke orai dárigerler úsh sábidiń ómirin saqtai almady. Qazirgi kezde 15 júkti áiel statsionarda em qabyldap jatyr, 12-si dárigerlerdiń baqylaýyna alynǵan.
