Soltústik Qazaqstan oblysynyń diqandary egin oraǵyn aiaqtap, biyl 4,4 mln tonna bidaidy qambaǵa quidy, dep habarlaidy "Ult aqparat".
SQO aýyl sharýashylyǵy basqarmasynyń málimetinshe, biyl 2,9 mln ga alqapqa dándi daqyl egildi. Nátijesinde ár gektardan orta eseppen 15 tsentnerden ónim alyndy. Biylǵydai ystyq pen qýańshylyqta bul jaman kórsetkish emes.
«Astyq shyǵymdylyǵyn arttyrý maqsatynda jáne topyraqtyń qunaryn saqtap qalý úshin biyl sharýalar 133,3 myń tonna mineraldy tyńaitqyshqa tapsyrys berdi. Búginge deiin onyń 123,8 myń tonnasynyń aqshasy zaýyttarǵa tólendi. 1,8 mln ga jer óńdeldi. Tyńaitqysh qoldaný nátijesinde sharýalar aýa raiynyń qolaisyzdyǵyna qaramastan ortasha ónim aldy», - deidi SQO aýyl sharýashylyǵy basqarmasynyń agronomiia bóliminiń bas mamany Baqtiiar Toqjigitov.
Oraq naýqanyn merziminde aiaqtaý úshin egis alqabyna 7,5 myń kombain shyqty.
«Kóktemgi jáne kúzgi dala jumystaryn júrgizýge oblysqa 75,1 myń tonna dizel otyny qajet. Memleket bul mólsherdi kepildi baǵamen munai óńdeitin zaýyttardan berdi. Nátijesinde diqandar onyń 1 litrin 172 teńgeden aldy. Jalpy biyl janar-jaǵarmai ýaqytynda jáne jetkilikti mólsherde jetkizilip turdy», - deidi Baqtiia Toqjigitov.
Óńirde kartop ta jinalyp alyndy. Biyl 32,9 myń ga kókónis egilse, odan 490 myń tonna kartop jinaldy. Gektar berekeligi 149,3 tsentnerden ainaldy.
Qazir SQO-da maily daqyl jinalyp jatyr. Osy kúnge deiin 845,1 myń ga bastyryldy. Bul - bar alqaptyń 91,6%. Ár gektardan orta eseppen 8,4 tsentnerden alynyp jatyr.
