Foto ©️ Tengrinews.kz / Turar Qazanǵapov
Soltústik Qazaqstan oblysynda Cheliabi-Novosibirsk tasjolynda 48 jastaǵy politseidi kólik qaǵyp ketti. Júrgizýshi oqiǵa ornynan qashyp ketti, - dep habarlaidy «Ult aqparat» Tengrinews.kz -ke silteme jasap.
Qyzmetkerdiń ólimi týraly aqparatty oblystyq Politsiia departamentiniń baspasóz qyzmeti rastady. Vedomstvo málimetinshe, bul fakt boiynsha qylmystyq is qozǵalǵan.
"28 sáýirde respýblikalyq mańyzy bar Cheliabi-Novosibirsk tasjolynda 48 jastaǵy politsiia qyzmetkerin kólik qaǵyp ketip, ol alǵan jaraqatynan oqiǵa ornynda qaza tapty. Qazirgi ýaqytta júrgizýshini anyqtaý maqsatynda jedel-izdestirý sharalary júrgizilip jatyr. Qylmystyq is qozǵaldy", - delingen habarlamada.
