UQK-niń Soltústik Qazaqstan oblysy boiynsha departamenti Petropavldaǵy "Narodnyi sovet trýdiashihsia" uiymynyń málimdemelerinen keiin qylmystyq is qozǵady. Bul týraly Májilis otyrysynda bas prokýrordyń orynbasary Jandos Ómiraliev aitty, - dep habarlaidy Massaget.kz portaly.
"Bul aqparatty alǵan boida UQK Soltústik Qazaqstan oblysy boiynsha departamenti Qylmystyq kodekstiń 180-babynyń 2-bóligi - "Buqaralyq aqparat quraldaryn paidalana otyryp, adamdar tobynda separatizmdi nasihattaý" boiynsha qylmystyq is qozǵady. Olardyń turǵylyqty jerinde de, jumys ornynda da tintý jumystary júrgizildi. Tárkilengen videoǵa, sondai-aq, áleýmettik jelidegi siýjetke sáikes dereý saraptama taǵaiyndaldy", - dedi Ómiráliev.
Bas prokýrordyń aitýynsha, is boiynsha 18 adam jaýapqa tartylyp jatyr, olardyń is-áreketteri saraptamadan keiin baǵalanady.
"Saraptamany Ádilet ministrliginiń qyzmetkerleri júrgizedi, odan keiin árbir qatysýshynyń áreketiniń biliktiligi boiynsha qorytyndy shyǵarýǵa jáne bultartpaý sharasyn tańdaýǵa bolady", - dedi ol.
