2019 jyly Soltústik Qazaqstan oblysynda jeke úi salý úshin 312 jer telimi úlestirildi, dep habarlaidy "Ult aqparat".
SQO Jer qatynastary basqarmasynyń málimetinshe, byltyr jeke turǵyn úi salýǵa Petropavl qalasynda 81 jer telimi berilgen. Onyń 26-sy Solnechnyi yqsham aýdanynan, 55-i oblys ortalyǵynyń basqa aýdandarynan úlestirilgen.
Qazir kezekke turǵandardyń sany – 11 232. Basym bóligi, iaǵni 10 197-si jeke úi salý úshin jer telimin alýǵa Petropavl qalasyn tańdaǵan. 1 035-i oblys ortalyǵyna jaqyn Qyzyljar aýdanynan jer alýǵa úmitti.
Osy maqsatqa Petropavl qalasyndaǵy Solnechnyi yqsham aýdanynda 167 ga bólingen. Ol jerde baspana salý úshin ýchaskeni ázirleýge, sý qubyryn, elektr jelisin tartyp, jol salýǵa qarjy bólindi.
Óńirdiń qalǵan aýdandary boiynsha baspana salýǵa jer telimin alýǵa kezekke turǵandar joq. Ótinish túsken jaǵdaida birden qanaǵattandyrylady.
Mamandardyń aitýynsha, qazirgi tańda baspana salýǵa jer telimin alýǵa turǵandardyń kezegi túgendelip jatyr. Osyǵan deiin atqarylǵan jumystardyń nátijesinde tizimnen 561 adam alyndy. Onyń 516-sy oblys ortalyǵynan, 45-i Qyzyljar aýdanynan. Olardyń keibiri el aýmaǵynan kóship ketse, endi bireýi qaitys bolǵan.
