Tailandta dem alyp kelgen petropavldyq otbasydan koronavirýstyń belgileri baiqalyp, olar aýrýhanaǵa tústi, dep habarlaidy "Ult aqparat".
Petropavlda áleýmettik jelilerde bet-aýzyn tumshalap, erekshe kiingen meditsina qyzmetkerleriniń eki «jedel járdem» kóligine adamdardy otyrǵyzyp jatqany týraly beinerolik tarap ketti. Osy beinejazbaǵa bailanysty SQO Densaýlyq saqtaý basqarmasy túsinik berdi.
«Erli-zaiypty eki balasymen Tailandtan dene qyzýy kóterilip, aýyryp kelgen. Otbasynyń barlyq múshelerin qalalyq aýrýhananyń juqpaly aýrýlar bólimshesine koronavirýs juqty degen kúdikpen jatqyzdyq. Zertteý men zerthanalyq taldaý barysynda bizdiń kúdigimiz rastalmady. Áleýmettik jelide taralǵan beinejazbada meditsinalyq qyzmetkerler tiisti áreket etý algoritmi boiynsha jumys istedi», - delingen resmi aqparatta.
Qazirgi ýaqytta er adam qalalyq aýrýhanalardyń birinde, al onyń jubaiy men 3 jáne 7 jastaǵy eki balasymen oblystyq balalar aýrýhanasynyń juqpaly aýrýlar bóliminde em alyp jatyr. Dárigerlerdiń sózine qaraǵanda, naýqastar tumaý juqtyrǵan. Jaǵdailary aýyr, ázirshe dene qyzýy túsken joq.
