Soltústik Qazaqstan oblysynda elge zańsyz kirgen sheteldik azamat qylmystyq jaýapkershilikke tartylady, dep habarlaidy "Ult aqparat".
Politsiia departamenti baspasóz qyzmetiniń málimetinshe, 33 jastaǵy Tájikstan azamaty sottyń sheshimimen zańnama tártibin birneshe márte buzǵany úshin Qazaqstannan shyǵarylǵan.
Alaida biraz ýaqyttan keiin sheteldik shekarany jaiaý kesip ótip, Qazaqstanǵa qaityp kelgen. Endi ol memlekettik shekarany zańsyz ótkeni úshin qylmystyq jaýapkershilikke tartylýy múmkin.
Migratsiialyq zańnama tártipteriniń buzylǵany úshin óńir turǵyndary da jaýapty. Zańbuzýshylyqtardyń basym kópshiligi sheteldik qonaqtardyń ýaqytynda tirkelmeýimen bailanysty. Sheteldik jumys kúshin zańsyz paidalaný derekteri de kezdesedi.
«Tájikstan Respýblikasynyń tórt azamatyn zańsyz túrde jumysqa tartqany úshin Shal aqyn aýdanynyń 31 jastaǵy azamaty ákimshilik jaýapkershilikke tartyldy. Sheteldikter jumysqa ornalasý ruqsatynsyz eńbek etip, óńirde tirkeýsiz turyp jatqan. Zańsyz júrgender de, olardyń jumys berýshileri de jazalandy», - dedi baspasóz qyzmetinde.
Jyl basynan beri oblysta QR aýmaǵyna kirý tártibin buzǵan 1863 adam ákimshilik jaýapkershilikke tartyldy. Sheteldik jumys kúshin zańsyz eńbekke aralastyrǵany úshin 78 jumys berýshi jaýap berdi.
