Soltústik Qazaqstan oblysy Aiyrtaý aýdanyndaǵy tuzdy kól – Saýmalkólde birneshe jyldan keiin balyq paida boldy, dep habarlaidy "Ult aqparat".
Saýmalkól halyq arasynda «óli» kól atanyp ketken. Sýy taza bolǵanymen, tuzdy. Saldarynan birneshe jyl balyq bolmaǵan. Biyl osy sý qoimasyna kóktemde peliad balyǵynyń 3,5 mln shabaǵy jiberildi.
Osy maqsatqa 4,5 mln teńge jumsaldy. Joba óz nátijesin berip, shabaqtar jersinip, ósti.
Jaqsy habardy áleýmettik jelidegi óz paraqshasynda Aiyrtaý aýdanynyń ákimi Darhan Ámrin jetkizdi.
«Saýmalkól «tirildi». Men qazir qýanyshym qoinyma syimai bizdiń Saýmalkólge bara jatyrmyn. Osydan 4 ai buryn jibergen shabaqtar ólmepti. Bizdiń kóktemgi tájiribeniń qorytyndysyn óz kózimmen kóremin. Tuzdy kólde balyqtyń ólmegenine tańmyn. Kópshilikti de bul jańalyqtyń tańqaldyrary sózsiz. Ǵalymdar mundai tuzdy kólde tek sig tuqymdas balyqtary ǵana ósedi deidi. Bul kóldi «Ilin» JK jalǵa alǵan», - dep jazdy Darhan Ámrin.
