سقو-دا «ٶلٸ» كٶل سانالىپ كەلگەن سۋ ايدىنىندا بالىقتار پايدا بولدى

سولتٷستٸك قازاقستان وبلىسى ايىرتاۋ اۋدانىنداعى تۇزدى كٶل – ساۋمالكٶلدە بٸرنەشە جىلدان كەيٸن بالىق پايدا بولدى, دەپ حابارلايدى "ۇلت اقپارات".

ساۋمالكٶل حالىق اراسىندا «ٶلٸ» كٶل اتانىپ كەتكەن. سۋى تازا بولعانىمەن, تۇزدى. سالدارىنان بٸرنەشە جىل بالىق بولماعان. بيىل وسى سۋ قويماسىنا كٶكتەمدە پەلياد بالىعىنىڭ 3,5 ملن شاباعى جٸبەرٸلدٸ. 

وسى ماقساتقا 4,5 ملن تەڭگە جۇمسالدى. جوبا ٶز نەتيجەسٸن بەرٸپ, شاباقتار جەرسٸنٸپ, ٶستٸ.

جاقسى حاباردى ەلەۋمەتتٸك جەلٸدەگٸ ٶز پاراقشاسىندا ايىرتاۋ اۋدانىنىڭ ەكٸمٸ دارحان ەمرين جەتكٸزدٸ. 

«ساۋمالكٶل «تٸرٸلدٸ». مەن قازٸر قۋانىشىم قوينىما سىيماي بٸزدٸڭ ساۋمالكٶلگە بارا جاتىرمىن. وسىدان 4 اي بۇرىن جٸبەرگەن شاباقتار ٶلمەپتٸ. بٸزدٸڭ كٶكتەمگٸ تەجٸريبەنٸڭ قورىتىندىسىن ٶز كٶزٸممەن كٶرەمٸن. تۇزدى كٶلدە بالىقتىڭ ٶلمەگەنٸنە تاڭمىن. كٶپشٸلٸكتٸ دە بۇل جاڭالىقتىڭ تاڭقالدىرارى سٶزسٸز. عالىمدار مۇنداي تۇزدى كٶلدە تەك سيگ تۇقىمداس بالىقتارى عانا ٶسەدٸ دەيدٸ. بۇل كٶلدٸ «يلين» جك جالعا العان», - دەپ جازدى دارحان ەمرين.