Oqý jyly bastalǵaly SQO mektepterinde 129 koronavirýs jaǵdaiy tirkeldi. Osyǵan bailanysty 60 synyp qashyqtan oqýǵa jiberildi. Bul týraly atalǵan oblys ákiminiń orynbasary Asqar Saqypkereev málim etti, dep habarlaidy QazAqparat.
«Oqý jyly bastalǵaly 129 koronavirýs jaǵdaiy anyqtaldy. Osy oraida oblys boiynsha 60 synyp qashyqtan oqýǵa jiberildi. Biraq mektepter karantinge jabylǵan joq. Koronavirýs juqtyrǵan jáne olarmen bailanys jasaǵan barlyq adamdar karantinge jiberildi», - dedi SQO ákiminiń orynbasary Asqar Saqypkereev OKQ-de ótken baspasóz máslihatynda.
Sondai-aq, jiynda aimaq boiynsha balalar arasyndaǵy koronavirýs indetiniń búgingi jaǵdaiy aityldy.
«Bizdiń oblysta koronavirýs juqtyrǵan balalar arasynda bir ólim jaǵdaiy tirkeldi. Ol - 2 jasar bala. Keiin anyqtalǵandai bala COVID-19-dyń delta shtamymen aýyrǵan. Jalpy osy kúnge deiin SQO-da 1456 bala atalǵan indetke shaldyqty. Onyń ishinde 1263 bala tolyq em alyp shyqty jáne 193 bala áli de mamandardyń baqylaýynda. Sol siiaqty 177 bala ambýlatorlyq jaǵdaida jáne 16 bala statsionarda emdelip jatyr», - dedi SQO densaýlyq saqtaý basqarmasynyń basshysy Qabdyrahman Saqtaǵanov.
